Rubavu: Hatangajwe abahanzi 24 bazahatana mw’irushanwa rya Little Paris Super Star

Kuri uyu wa Gatandatu tariki 25 Mutarama 2020, ahazwi nka Little Paris mu karere ka Rubavu hatangajwe abahanzi 24 bo mu karere ka Rubavu bagiye guhatanira ibihumbi magana atanu(500.000Frw) ndetse no gukorana indirimbo na Riderman mu buryo bw’amajwi n’amashusho n’amasezerano y’umwaka yo gukorana na Little Paris.

Aba bahanzi uko ari 24 batangarijwe muri Little Paris ku nkengero z’ikiyaga cya Kivu mu birori byari biyobowe na Mc Tino wateye imbaraga aba bahanzi abasaba kwitinyuka no guharanira gutungwa n’umuziki,hanagaragaye kandi umuhanzi Davis D umaze guhirwa no gukorera ibitaramo mu karere ka Rubavu gafatwa nk’aka kabiri mu muziki nyuma y’umujyi wa Kigali.

 

Mc Tino wari uyoboye iki gikorwa

Little Paris Super Star ni amarushanwa azahuza abahanzi bo mu karere ka Rubavu. Aya marushanwa yabanjirijwe n’amajonjora aho hatoranyjwe abahanzi 24 bazashyizwe mu byiciro 6 aho buri cyiciro kizaba kigizwe n’abahanzi bane(4). Abahanzi 24 bazatoranywa mbere bazajya bahabwa umwanya wo kwigaragaza buri wa kane w’icyumweru baririmbire imbere y’akanama nkemurampaka.

Nyuma yo kuririmba abagize akanama nkemurampaka bazajya bakuramo abahanzi babiri buri cyumweru muri buri tsinda. Mu gihe hazaba hasigaye abahanzi batandatu mu byiciro byose uko ari bitandatu, hazakorwa igitaramo kinini kizatumirwamo abahanzi bakomeye hano mu Rwanda baririmbane nabo batandatu bambere. Muri abo batandatu hazavamo abahanzi batatu hasigare batutu batsinze.

Muri abo bahanzi bazatsinda uko ari batatu, biteganyijwe ko umuhanzi uzaba uwa mbere azahembwa gukorana indirimbo na Riderman (Amajwi n’amashusho) bamuhe ibihumbi magana atanu ndetse asinyane na Little Paris amasezerano yo kuyihagararira mu gihe cy’umwaka ariko afatwa nk’umuhanzi wayo. Umuhanzi uzaba uwa kabiri azahembwa ibihumbi magana abiri (200 000 Rwf) mu gihe uwa gatatu azahembwa ibihumbi ijana.

Mu gitaramo cyatangiye ahashyira isaa moya n’igice Abahanzi biyerekanye Nyuma yo kwigaragaza Mitsindo Thierry Umukozi muri Easy and Possible iri gufatanya na Little Paris gutegura aya marushanwa yafashe umwanya ashimira abahanzi ku bwitabire aboneraho no kubibutsa ko bari mu irushanwa bityo basabwa gukora cyane kugira ngo umuhanga azatware irushanwa ariko abikwiriye.

Thiery Mitsindo yasubije abatekerezaga ko hazabamo amanyanga mu gihe cyo  gutanga amanota avuga ko gutora bizakorwa mu mucyo.

“N’ibintu bizakorwa mu mucyo kandi ku mugaragaro, umuntu wese ufite impungenge ko hazazamo amanyanga no kubera natuze, abahanzi bakorane imbaraga maze bazigaragaze kugira ngo koko iri rushanwa rizegukanwe n’ubishoboye”

Urutonde rw’abahanzi 24 bazahatana muri Little Paris Super Star

Gutora bizatangira kuwa Gatanu tariki 31 Mutarama 2020. Umuhanzi uzaba uwa mbere azahembwa ibihumbi magana atanu, anahembwe gukorana indirimbo na Riderman, gusinya amasezerano na Little Paris y’ubufatanye. Umuhanzi wa kabiri azahembwa ibihumbi magama abiri y’amanyarwanda.

Abahanzi bari babucyereye buri umwe ahiga kwegukana iri rushanwa

 

Tanga Igitekerezo ukoresheje Facebook

SHARE