Rubavu: Lil Chance yagarukanye mu muziki indirimbo yise “AWUKU”.Yumve

Umuhanzi Lil Chance wamenyekanye mu myaka ishize mu ndirimbo zibyinitse mu karere ka Rubavu yagarutse mu muziki nyuma y’uko yari yarasubiye inyuma mu ruhando rwa muzika nyarwanda ku buryo bugaragara ubu yatangarije abafana be ko yagarutse.

Lil Chance wiyita Jagajaga wari umaze iminsi atagaragara mu muziki, mu rwego rwo kwerekana ko yagarutse yashyize hanze indirimbo yise “Awuku’ indirimbo ibyinitse yatunganyijwe na Legal Eyez Beat yizera ko igiye kumugarura mu kibuga nyuma y’igihe kinini yari yararyamishije abakunzi be nk’uko abitangaza.

Mu kiganiro na Ibyamamare.com uyu muhanzi yangarije umunyamakuru ko atari yararetse umuziki ko ahubwo yararimo ategura uburyo yakora umuziki we neza kandi bigezweho

“Muzika yarahindutse uko twayikoraga cyera ntago ariko bikimeze ubu bisaba kwitonda no gutegura ikibuga uyikoreramo,ubu nariteguye neza abakunzi banjye nagarutse”

Lil Chance wigize kugacishaho muri muzika yo mu karere ka Rubavu

Lil Chance avuga ko adatewe ubwoba n’ikibuga cya Muzika ko atari umwana ko agiye gutanga indirimbo nziza zikwiriye umuhanzi mukuru ko ari no gutegura ibitaramo bizagenda bimuhuza n’abakunzi be.

Lil Chance avuga ko yifuza ko abakunzi ba Muzika bo mu Rwanda by’umwihariko abanya Rubavu bamushyigikira kugira ngo ibikorwa ari gutegura birusheho kugenda neza.

AWUKU indirimbo igaruye mu kibuga Lil Chance Jagajaga

Tanga Igitekerezo ukoresheje Facebook

SHARE