Rubavu: Yvan Green umuhanzi uzanye umwihariko y’imiririmbire mu rurimi rw’ikigoyi

Muri iyi minsi muri muzika Nyarwanda impano ziri kugenda zigaragaza  hirya no hino mu Rwanda bigaragara ko umuziki uri kugenda ukura ukava mu mujyi ukagera no hirya mu ntara , umwe mu bahanzi bashya bagaragaje impano iri ku rwego rwo hejuru ni umusore usanzwe utuye mukarere ka Rubavu uyu akaba azwi ku izina rya Yvan Green. Uyu musore w’umunyarwanda aherutse gushyira hanze indirimbo “Ndagukundaga” iri mu zikunzwe  mu ntara y’Uburengerazuba.

Mu rwego rwo kuvumbura no kumenyekanisha impano nshya muri Muzika Nyarwanda ikinyamakuru IBYAMAMARE.COM kigenda kibazanira impano nshya muri muzika Nyarwanda by’umwihariko mu ntara aho twiyemeje kujya tubagezaho amakuru y’abahanzi bashya ndetse no kubaha urubuga rwo kumenyekanisha ibihangano byabo.

Muri iyi nkuru twaganiriye n’umuhanzi Yvan Green umwe mu banyempano ntashidikanywaho wo mu karere ka Rubavu utaramara igihe kinini mu muziki aho amaze gushyira hanze indirmbo 3 z’amajwi akaba afite umwihariko mu kuririmba mu rulimi rw’ikigoyi ruvugwa na benshi mu batuye akarere ka Rubavu na Rutsiro.

Mu ruhando rwa Muzika Byamusabye gushyira hanze indirimbo “Ndagukundaga”  imwe mu ndirimbo yamufunguriye amayira yatunganyijwe na Producer Captain P nyuma akurikizaho “I’m sorry mama” zakiriwe neza mu muziki w’i Burengerazuba.

Yvan Green wakiriwe neza mu muziki

Uyu musore avuga ko kuba akunda kuririmba mu rulimi rw’ikigoyi ari mu wego rwo gusigasira umuco ndetse no guha agaciro aho akomoka

“Urabona hari indimi zazimiye,nge rero ni mu rwego rwo gusigasira urulimi rw;ikigoyi kandi mbifitiye ishema kuko n’abantu indirimbo zanjye barazikunda ku buryo bukomeye”

Akomeza agira ati : “Ntacyo bimbagamiraho na gito kandi abantu bagenda basaba indirimbo zanjye ku maradiyo atandukanye ibintu bintera umurava no kuguma gukora cyane”

Nk’umuhanzi ukizamuka uyu musore avuga ko mu mwaka wa 2020 afite imishinga itandukanye mu rwego rwo kwagura muzika ye akaba yamenyekana mu gihugu cyose atari mu ntara y’Uburengerazuba ndetse akaba anateganya gukorana indirimbo n’abahanzi batandukanye bamaze kubaka izina mu Rwanda.

Mu bijyanye na muzika uyu musore yadutangarije ko yishimiye bikomeye ukuntu abanyarwanda bamwakiriye ahamiriza umunyamakuru ko nawe atazabatenguha cyane ko afite ibihangano byinshi ateganya gushyira hanze bityo Imana nimufasha nawe akandika izina rye mu bakunzi ba muzika yaba mu Rwanda ndetse no hanze y’u Rwanda.

Yvan Green umuhanzi ufite umwihariko mu miririmbire mu rulimi rw’ikigoyi

Ndagukundaga by Yvan Green

 

Tanga Igitekerezo ukoresheje Facebook

SHARE