Rusizi: Abafana ba Chelsea batangiye ubukangurambaga bwo kwegera abakunzi bayo mu Rwanda

Abafana ba Chelsea mu Rwanda bo muri Kamembe Official Supportes Club batangije ubukangurambaga bwo kwakira abafana ba Chelsea mu buryo bwemewe n’amategeko.

Kamembe Official Supporters Club n’abafana ba Chelsea Fc yo mu Bwongereza byemewe n’amategeko baherutse guhabwa impano na Chelsea Fc aho bakiriwe nk’abafana biyi kipe ku rwego mpuzamahanga banahabwa ibirangantengo byo kuyihagararira banakorerwa Page yabo yihariye  ku rubuga rwa Chelsea Fc rugaragaraho amakuru ndetse n’ubuzima bw’ikipe bwa buri munsi.

Iyi Club y’abafana ba Chelsea bi Kamembe yemejwe ku rwego mpuzamahanga bakiriye impano ya Chelsea Fc kuwa 15 Gashyantare 2020 ndetse na Certificat yasinyweho na Chairman wa Chelsea Fc nkuko izindi clubs bigenda kw’isi, kuri ubu bakaba barateguye uburyo bwihariye bwo kureba imikino ya Chelsea muri Motel Umunini ahazwi nko kwa Vincent aho barebera umupira bisanzuye nk’abari ku kibuga banafata amafunguro ndetse n’ibinyobwa binyuranye.

Ubwo bakiraga impano zivuye muri Chelsea Fc mu Bwongereza

Kamembe Official Supporters Club yatangiye ku gitecyerezo cya David Hagenimana imaze kugira abanyamuryango 113 ikaba ifite icyicaro mu ntara y’Uburengerazuba mu Karere ka Rusizi mu mujyi wa Kamembe ni intangarugero ntashidikanywaho y’abakunda imikino bya nyabyo bakabibyaza umusaruro ugirira benshi umumaro bakabivomamo n’ibyishimo mu buzima bwabo.

Usibye gufana iyi kipe yo mu Bwongereza aba bakunzi ba Chelsea bamaze gusabana na bagenzi babo bafana Manchester United i Rusizi mu mukino wa Gishuti wabahuje,gusura abarwayi i Gihundwe ndetse no mu bihe bya Guma mu rugo bakaba barahaye ibiribwa  imiryango yo mu murenge wa Gihundwe yagizweho ingaruka na Coranavirus bakaba banategura ibikorwa binyuranye byo gufasha abatishoboye no kworoza amatungo abaturage batandukanye mu rwego rwo gutanga umusanzu wabu mu kwubaka Igihugu

Usibye kuba bakorera i Kamembe i Rusizi nk’uko Ibyamamare.com twabitangarijwe na David Hagenimana batangije ubukangurambaga bwo kwegera abafana ba Chelsea mu ntara y’Uburengerazuba n’ahandi mu Gihugu kugirango barusheho gushyigikira ikipe yabo

“Twatangiye ubukangurambaga bwo kwegera abakunzi ba Chelsea mu ntara y’Uburengerazuba n’ahandi mu Gihugu kugira ngo turusheho gushyigikira ikipe yacu y’Ubukombe,abantu benshi bari kutwiyungaho binyuze ku mbuga nkoranyambaga zacu zitandukanye, n’ibintu byiza kandi bizatanga umusaruro”

David Hagenimana akomeza avuga ko abifuza kwinjira muri Kamembe Chelsea Official Supportes Club bahamagara +250785803048  bagashirwa ku rubuga bahuriramo Bakarushaho kujya bahana ibitecyerezo kw’ikipe yabo ndetse no gusabana birushijeho no guhurira mu bikorwa by’iterambere no gufashanya mu buzima bwa buri munsi.

 

Tanga Igitekerezo ukoresheje Facebook

SHARE