Search

Rusizi: Imvura idasanzwe yahitanye abantu 3, yangiza inzu 88

IBM Radio Listen Live

KANDA HANO UREBE VIDEO

Imvura yaguye ku mugoroba wo kuri uyu wa mbere mu karere ka Rusizi yahitanye ubuzima bw’abantu batatu, ndetse isenya ibikorwa remezo birimo imihanda ndetse n’abaturage benshi basigara iheruheru, ubuyobozi bw’akarere bukaba buvuga ko butangiye gushaka uko bwagoboka abagezweho n’ibiza.

amazu asaga 80 niyo yasanywe n’imvura idasanzwe

Ubwo imvura yiganjemo umuyaga mwinshi yagwaga kuri uyu mugoroba yasize yangije byinshi ndetse inatwara ubuzima bw’abantu batatu,umuyobozi w’akarere ka Rusizi,Bwana Harerimana Frederic akaba yatangaje ko yanasenye inzu 88 z’abaturage bo mu kibaya cya Bugarama,imyaka y’abantu irahatikirira ndetse inasenya n’ibindi bikorwa remezo .

Yagize ati”imvura y’ejo yahitanye abantu batatu n’ibindi bikorwaremezo byinshi ndetse n’amazu y’abaturage ,umurenge wa Bugarama wonyine amazu yasenyutse ni amazu asaga 88,iyo ni imibare y’ejo turimo kuvuga,mu murenge wa Bweyeye inkuba yakubise abantu 10,barimo basenga,mu murenge wa Muganza naho hasenyutse amazu”.

Bwana Harerimana akomeza avuga ko bakomeje kwegera abaturage bagezweho n’ibiza ndetse no kwitabaza abaterankunga kugira ngo babafashe,gusa avuga ko hari aho ibyangiritse byatewe n’amazi yuzuye mu mugezi bityo bituma yinjira mu nzu z’abaturage bo mu murenge wa Muganza na Bugarama.

Kugezubu imibare itangazwa n’ubuyobozi bw’akarere ka Bugarama iragaragaza ko iyi mvura idasanzwe yishe abantu batatu,isenya inzu zisaga 88 zo mu murenge wa Bugarama,inkuba ikubita abantu 10 bari mu rusengero rwo mu murenge wa Bweyeye ndetse umwe muri bo ahita yitaba Imana,mu gihe mu murenge wa Muganza hasenyutse inzu 8 ndetse izindi 178 zirangirika bitewe n’amazi yinjiyemo ndetse n’inzu icyenda zo mu murenge wa Gikundamvura zasenyutse.

Richard Uwizera-ibyamamare.com

Comments

comments




Leave a Reply

Your email address will not be published. Required fields are marked *