Search

Russia:Irebere ubwiza bw’ amasitade azakinirwaho imikino y’igikombe cy’isi 2018(Amafoto)

IBM Radio Listen Live

KANDA HANO UREBE VIDEO

Imyiteguro y’Igikombe cy’Isi giteganyijwe umwaka irarimbanyije,Igihugu cy’Uburusiya kizakira iyi mikino cyatangaje ko kimaze gukoresheje akayabo k’amafaranga agera kuri miriyali icumi z’amadorali y’Amerika($10.000.000.000)mu bikorwa byo kuvugurura no kubaka amasitade azakinirwaho igikombe cy’isi mu mwaka utaha wa2018.

Dore amasitade akomejwe gutegurwa azakira imikino y’igikombe cy’Isi cya 2018:

1.St. Petersburg stadium, Ni sitade nshyashya yakira Abantu ibihumbi mirongo itandatu na birindwi iherereye mu mujyi wa Saint Petersburg yubatswe na sosiyete y’Abayapani, ikaba yarafunguwe ku mugaragaro mu kwezi kwa Mata muri uyu mwaka wa2017. Iyi sitade ikaba izakinirwaho imikino yo mu matsinda, iya kimwe cya cumi na gatandatu, kimwe cya kabiri ndetse n’umukino wo guhatanira umwanya wa gatatu.

St. Petersburg stadium yakira abantu basaga ibihumbi 70

2.Ekaterinburg Stadium, Ni sitade iri mu birometero igihumbi(1000km) uturutse iburasirazuba ho mu mugi wa Moscow ikaba ari sitade yari imaze igihe kinini yubatswe dore ko mu kuyivugurura bagiye bongeraho indi myanya ku yari isanzwe kugirango FIFA iyemerere ko gikinirwaho iyi mikino. Iyi sitade ikaba izakinirwaho imikino yo mu matsinda gusa.

Ekaterinburg Stadium

3.Fisht Stadium, Iyi ni sitade yabereyeho ibirori byo gufungura no gusoza imikino ya Olympic mu mwaka wa 2014 ari naho yemerewe kuberaho imikino mpuzamahanga. Iyi sitade yitiriwe umusozi uri hafi yawo witwa Fisht,yakira abantu ibihumbi mirongo ine na birindwi Magana rindwi(47,700) ikaba izakinirwaho imikino yo mu matsinda, kimwe cya cumi na gatandatu na kimwe cya kane.

Fisht Stadium,Iyi stade yakira abantu 47,700

4.Luzhniki Stadium, Iyi ni sitade nini cyane mu Burusiya iherereye mu mugi wa Moscow, ikaba ifite ubushobozi bwo kwakira abantu ibihumbi mirongo inani nakimwe n’abantu batandatu(81,006)ikaba izaberaho imikino yo mu matsinda, kimwe cya cumi na gatandatu na kimwe cya kabiri, Ikaba ari nayo izaberaho umukino wa nyuma w’Igikombe cy’Isi. Iyi sitade yabereyeho imikino ya Olympic mu 1980, yabereyeho kandi umukino wa nyuma wa UEFA Champions League ya 2008.

Luzhniki Stadium.Iyi stade yakira abantu 81,006

5.Kaliningrad Stadium, Iyi ni sitade iri mu kirwa cya Oktyabrsky kegeranye n’ibihugu nka Pologne na Lithuania. Ni sitade ifite ubushobozi bwo kwakira abantu ibihumbi mirongo itatu na bitanu(35,000)ikaba izaberaho imikino yo mu matsinda gusa.

Kaliningrad Stadium,iyi stade yakira abantu 35,000

6.Rostov Arena, Ni sitade iherereye mu majyepfo y’iburasirazuba y’Uburusiya mu mujyi wa Rostov-on-don ikaba izakinirwaho imikino yo mu matsinda

Rostov Arena,iyi stade izakinirwaho ikikino yo mu matsinda

7.Volgograd Arena, Ni sitade iri mu mugi wa Volgograd ikaba ifite ubushobozi bwo kwakira Abantu ibihumbi mirongo ine na bitanu(45,000), Ikaba izaberaho imikino yo mu matsinda gusa.

Volgograd Arena,iyi stade yakira abantu 45,000.ikaba izakinirwaho imikini yo mu matsinda

8.Spartak Stadium, Ni sitade y’ikipe ya Spartak Moscow ikaba yakira Abantu ibihumbi mirongo ine na bitatu maganabiri mirongo icyenda n’umunani (43,298) ikaba izaberaho imikino ya kimwe cya cumi na gatandatu.

Spartak Stadium,iyi stade yakira abantu 43,298.ikaba izakinirwaho imikino ya 1/16

9.Nizhny Novgorod stadium, Ni stade iri hagati y’imigezi ibiri ya Volga na Oka ikaba izakira imikino yo mu matsinda na kimwe cya cumi na gatandatu, ikaba yakira Abantu ibihumbi mirongo ine na bitatu Magana tatu mirongo itatu numwe(43,331).

Nizhny Novgorod stadium,iyi stade yakira abantu 43,331.ikaba izakinirwaho imikino yo mu matsinda na kimwe cya gatangatu(1/6)

10.Samara Arena, Iyi ni stade iri mu majyepfo y’uburasirazuba ikaba ifite n’ikibuga cy’indege, yakira Abantu ibihumbi mirongo ine na bine Magana inani n’umunani (44,808) bikaba biteganyijwe ko iyi sitade izajya yaka nijoro. Izaberaho imikino yo mu matsinda,kimwe cya cumi nagatandatu na kimwe cya kane. Arko iyi sitade iracyavugururwa.

Samara Arena,iyi stade ikaba yakira abantu 44,808.ikaba izakinirwaho imikino ya 1/16 na 1/4

11.Mordovia Arena, Iyi ni sitade nayo bagikoraho imirimo yo kuyivugurura aho izajya yakira Abantu Ibihumbi mirongo ine na bine Magana ane mirongo ine na babiri (44,442) izakinirwaho imikino yo mu matsinda gusa.

Mordovia Arena,iyi stade yakira abantu 44,442.ikaba izakinirwaho imikino yo mu matsinda gusa

12.Kazan Arena, Ni sitade yubakanwe ubuhanga aho igisenge cyayo kizaba gisa n’ibindi bice biri byo hasi yayo, ikaba ifite ubushobozi bwo kwakira Abantu ibihumbi mirongo itanu na kimwe (51,000) Izakinirwaho imikino yo mu matsinda, kimwe cya cumi na gatandatu na kimwe cya kane.

Kazan Arena,iyi stade yakira abantu 51,000.ikaba izakira imikino ya 1/16 na 1/4

Tubibutse ko tombora y’uko Amakipe azahura mu matsinda ari ku wa gatanu tariki ya 1/12/2017 saa kumi n’imwe z’umugoroba zo mu Rwanda, Ikaba izabera mu Burusiya.

 

Richard [email protected]

Comments

comments




Leave a Reply

Your email address will not be published. Required fields are marked *