----1

Rwanda Christian Film Festival izitabirwa n’ibihugu bigera ku 10 harimo na leta zunze ubumwe z’Amerika.

KANDA HANO UREBE AMASHUSHO TWAGUHITIYEMO UYU MUNSI

Rwanda Christian Film Festival  n’iserukiramuco rya filime za gikirisitu ribera mu Rwanda ,  rikaba rifite umwihariko wo kungurana ubumenyi no gusangiza ubunararibonye abakina  filime n’abazikora , hashingiwe ku zitanga ubumenyi bushingiye ku ndangagaciro ziranga Abakristu .

Chris Mwungura, uyobora True Way Entertainment ari na yo itegura iryo serukiramuco, yatangaje ko Rwanda Christian Film Festival y’uyu mwaka izitabirwa n’ibihugu bigera ku icumi , hakazajya habanza ibiganiro nyunguranabitekerezo, ndetse abitabiriye bakanataramirwa n’abahanzi bakomeye mu ndirimbo zihimbaza Imana nka Olivier & Amanda, Alive & Freed, Brenda Indekwe, Yvan Ngenzi n’abandi.

Chris Mwungura, uyobora True Way Entertainment

Chris Mwungura, uyobora True Way Entertainment

Ati :” Abazitabira iri serukiramuco basanzwe baba muri  sinema cyangwa babikunda, bazahungukira byinshi kuko tuzagira umwanya wo kuganira n’abo bakora filimi baturutse muri ibyo bihugu bitandukanye, imbogamizi duhura na zo ni aho dukorera filimi, ndetse no kurebera hamwe uburyo twakorana. Ibyo bizatuma Abakinnyi ba hano iwacu banamenya imikoranire ku buryo bazabasha kumenya icyo basabwa kugirango bakinire filimi mu gihugu runaka, n’abo banyamahanga bamenye icyo basabwa kugirango bashobore kuza gukinira filimi mu Rwanda.”

‘ Rwanda Christian Film Festival  2016 ‘ izitabirwa na filime zo muri Leta Zunze Ubumwe za Amerika, Korea y’Epfo , Uganda, Burundi, Tanzania, Kenya, RDC, Afurika y’Epfo, n’ahandi . Insanganyamatsiko y’uyu mwaka igira iti ‘ duhindure isi dukoresheje filime za gikirisitu ‘.

Iri serukiramuco rigiye kuba ku nshuro yaryo ya gatanu ribera mu Rwanda rizatangira ku itariki ya 2 Ukuboza 2016 muri HillTOP HOTEL, aho guhera saa cyenda kugeza saa kumi n’imwe n’igice uzajya uba ari umwanya w’ibiganiro ku nsanganyamatsiko zitandukanye zateguwe, ubundi guhera saa kumi n’ebyiri (6:00pm) ukaba umwanya wo kureba filimi zatoranyijwe kwitabira iserukiramuco.

Iserukiramuco rizasorezwa muri Kigali Convention Centre kuwa 4 Ukuboza, aho hazaba hanizihizwa isabukuru y’imyaka itanu Rwanda Christian Film Festival imaze ishinzwe.

Urupapuro rwamamaza iki gikorwa

Urupapuro rwamamaza iki gikorwa

Muri iryo serukiramuco hazanatangwamo ibihembo bitandukanye kuri Filimi zahize izindi mu byiciro bitandukanye ndetse n’abakinnyi bazo bahiga abandi.

Hazahembwa Filime ndende nziza kurusha izindi, hahembwe ingufi, indirimbo mu mashusho ihiga izindi, ndetse n’umukinnyi mu bagabo n’undi mu bagore.

12,576 total views, 43 views today

Comments

comments

Indirimbo Nshya : Sinzibagirwa by Israel Mbonyi[YUMVE]



Leave a Reply

Your email address will not be published. Required fields are marked *