Sadio Mané yatowe nk’umukinnyi mwiza w’umwaka wa 2019 muri Afurika ahigitse Mohamed Salah

Sadio Mané ukinira Liverpool yo mu Bwongereza yatowe nk’umukinnyi mwiza w’umwaka wa 2019 muri Afurika ahigitse Umunya-Misiri Mohamed Salah bakinana ndetse n’Umunya-Algérie Riyad Mahrez ukinira Manchester City.

Igihembo cy’Umukinnyi mwiza wa Afuriika Sadio Mane yagiherewe mu Misiri, mu muhango wayobowe n’igihangange mu mupira w’amaguru, Samuel Eto’o Fils .

Sadio Mané ukinira Liverpool yo mu Bwongereza yatowe nk’umukinnyi mwiza w’umwaka wa 2019 muri Afurika

Muri uyu muhango witabiriwe n’abashyitsi batandukanye barimo na Perezida wa FIFA, Gianni Infantino, Sadio Mané w’imyaka 28, yegukanye iki gihembo ku nshuro ya mbere n’amajwi 477.

Yahigitse Umunya-Misiri Mohamed Salah bakinana muri Liverpool, we wacyegukanye mu nshuro ebyiri ziheruka, ubu akaba yagize amajwi 325 kimwe n’Umunya-Algerie Riyad Mahrez wagitwaye mu 2016, we yagize amajwi 267.

Ikipe y’umwaka

Umuzamu: Andre Onana (Ajax/Cameroon).

Ba myugariro: Achraf Hakimi (Borussia Dortmund/Morocco), Kalidou Koulibaly (Napoli/Senegal), Joel Matip (Liverpool/Cameroon), Serge Aurier (Tottenham/Ivory Coast).

Abakina hagati: Riyad Mahrez (Manchester City/Algeria), Idrissa Gana Gueye (Paris St-Germain/Senegal), Hakim Ziyech (Ajax/Morocco).

Abataha izamu: Mohamed Salah (Liverpool/Egypt), Sadio Mane (Liverpool/Senegal), Pierre-Emerick Aubameyang (Arsenal/Gabon).

Tanga Igitekerezo ukoresheje Facebook

SHARE