Sadio Mane yihakanye umunyarwandakazi Kate Bashabe byavugwagako bari murukundo, avuga ko atamuzi n’isura

Rutahizamu w’ikipe ya Liverpool umunya Senegal Sadio Mane yahakanye amakuru yari amaze igihe kinini avugwa ko yaba afitanye umubano wihariye n’umunyarwandakazi w’umunyamideri Kate Bashabe.

Ibya Mane na Bashabe, byatangiye kuvugwa mu mpera z’umwaka wa 2019 bizanywe ahanini n’itangamakuru ryo muri Senegal, gusa Kate akaba yari yabihakanye avuga ko we na Mane baziranye bisanzwe.

Umunyamideri Kate Bashabe

Aha ariko, kuri uyu wa mbere ubwo Sadio Mane yarimo aganirizwa n’abakunzi be kuri Instagram, uyu munyasenegal wari kumwe na mwene wabo Mbaye Diagne, yatangaje ko nta mubano yigeze agirana na Kate Bashaba ikintu cyanatumye Diagne akubita agatwenge.

Mane wagiranye ikiganiro ahanini cyibandaga mu rurimi rw’iwabo, yanavuze ko umukino wa Atletico Madrid wabagiye kurusha Barcelone, avuga ko akunda abanyabrazil nkuko na bo babimugaragarije ndetse anamara impungenge abakunzi ba Liverpool ko uko byagenda kose uyu mwaka bazamanika igikombe cya Premier League ku nshuro ya 19.

Kate Bashabe muri Sitade

Mu kwezi k’Ukwakira 2010 Kate Bashabe yagaragaye mu mujyi wa Liverpool aho yari mu maduka acuruza imyenda ya Liverpool agiye kugura umwenda yagombaga kurebana umukino wa Liverpool na Norwich, aza no kugaragara yifata amashusho menshi ari mu myanya y’icyubahiro muri Stade y’iyi kipe.

Rutahizamu w’ikipe ya Liverpool umunya Senegal Sadio Mane yahakanye amakuru yari amaze igihe kinini avugwa ko yaba afitanye umubano wihariye n’umunyarwandakazi w’umunyamideri Kate Bashabe.

Bashabe Catherine, wamamaye nka Kate Bashabe, ni umwe mu bashabitsi bakiri bato b’abahanga mu guhanga imideli, gutaka inzu n’indi mirimo ijyanye nabyo. Uyu, yitabiriyeho amarushanwa y’ubwiza yigeze gutegurwa n’umujyi wa Kigali aba Miss MTN ndetse yanitabiriye Miss Rwanda ariko yivanamo n’ubwo ari we wari uhagarariye Akarere ka Nyarugenge muri 2011.

Mu kwezi k’Ukwakira 2010 Kate Bashabe yagaragaye mu mujyi wa Liverpool aho yari mu maduka acuruza imyenda ya Liverpool

Sadio Mane ukinira ikipe ya Liverpool, yatowe uyu mwaka nk’umukinnyi w’umwaka ku mugabane wa Afurika wose, aho ari na we uhabwa amahirwe yo kwegukana igihembo cy’umukinnyi w’umwaka wa shampiyona y’Ubwongereza niramuka ishoboye kurangira.

Mu cyumweru gishize, Mane akaba yaratanze inkunga ya miliyoni 41 aziha Minisiteri y’Ubuzima mu gihugu cye cya Senagal ngo ishobore guhangana n’icyorezo cya Coronavirus.

 

Tanga Igitekerezo ukoresheje Facebook

SHARE