Search

Safi Madiba yatangaje impamvu atigeze agenera Humble Jizzo ubutumwa , nyuma yo kwibaruka imfura

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Safi Madiba umusore wahoze mu itsinda rya Urban Boyz yongeye akomoza ku mibanire ye n’abasore bahoze baririmbana mu itsinda rya Urban Boyz, aho yemeza ko ibibazo byaganishije iri tsinda ku gutandukana atari we na Nizzo gusa byaturutseho nkuko bamwe mbabivuga.

Image result for safi madiba

Safi madiba yemeje ko nta bucuti yari afitanye na Humble, ngo bahuzwaga n’akazi

Ni mu kiganiro gica kuri Radio Rwanda ubwo yabazwaga ibijyanye n’umuziki we ndetse n’ubuzima bwe muri rusange. Aha umunyamakuru yamubajije niba hari icyo yabwiye Humble Jizzo uherutse kwibaruka maze amusubiza ko ntacyo yari kumubwira kuko batigeze baba inshuti zivugana iby’ubuzima bwabo bwite.

Aha Safi yasobanuye ko ibi atari iby’ubu kuko no mu gihe bari bakiri kumwe mu itsinda batigeze bagirana ubucuti bwari gutuma amubaza amakuru nk’ayo y’ubuzima bwe bwite ahubwo ko icyabahuzaga ari akazi gusa.

Humble ni umwe mubari batashye ubukwe bwa Safi Madiba

Safi yagize ati “Akenshi uranareba, ese muri iyo myaka 10 uvuga twabanye, mwavuganaga uvuga uti ‘Hey’? Ese tureke madamu, ahubwo umukunzi wawe ameze neza ko numvise ko arwaye? Izo chat mu myaka 10 zari zimeze zite?”

Umunyamakuru yibukije Safi ko ibyavugwaga byahamyaga ko ibibazo byari mu itsinda byari hagati ye na Nizzo, Safi yamusubije ati “Ibyo ni ibyavugwaga nyine, si ibyari bihari. Ijambo ibyavugwaga rigomba kuvaho, kuko njyewe ninjye uvuga ibintu uko byagenze… njye ibyo nkubwira, atari ibyavugwaga kuko abenshi bavuga ibyo batazi.

Safi kandi yakomeje gushimangira ko nta mpamvu yari afite zo kuganira na Humble ku buzima bwe busanzwe, ubu badakorana kandi bitarigeze binabaho bagikorana.
Ati “Chat zisanzwe twagiranaga zakabaye zikiriho ariko ubu ntabwo zikiriho kuko ibyo twavuganaga, twahuzwaga n’akazi. Kandi ubu akazi ndimo ni akanjye nka Safi Madiba. Urumva sinajya kubabaza ngo kuki mudasohora indirimbo

Ibi birajya guhura n’ibye na Nizzo cyane ko nabo amakuru yagiye avugwa nyuma y’uko batandukanye, yavugaga ko bahuzwaga n’akazi gusa kugeza n’ubwo atamutumiye mu bukwe bwe.

Muri iki kiganiro kandi Safi yagarutse ku buryo abanye n’umugore we barimo gutegura ubukwe imbere y’Imana, umusore w’ibigango umuhora hafi, iby’umuziki we no gukoranana ‘The Mane’ ndetse n’ubuzima bwe muri rusange.

Image result for urban boyz

Urban Boyz bakiri kumwe bose uko ari batatu

Safi Madiba nyuma yo kuva mu itsinda rya Urban Boyz kuri ubu akora umuziki we ku giti cye,aho kuri ubu afitanye amasezerano n’inzu itunganya umuziki ya The Mane.

 

Ildephonse Dusabimana-ibyamamare.com

Comments

comments




One thought on “Safi Madiba yatangaje impamvu atigeze agenera Humble Jizzo ubutumwa , nyuma yo kwibaruka imfura

  1. Ding Ding

    Ariko Safi nikijuju kabisa, womarana numuntu imyaka icumi mukorana bikanka ko muba incuti ngo mwahujwe nakazi gusaaaaaa

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.