Salax Awards 2020 zigiye gutangwa

Ibihembo bya Salax Awards bigenerwa abahanzi baba barakoze neza kurusha abandi, bigiye kongera gutangwa ku bahize abandi muri uyu mwaka wa 2020.

Muri uyu mwaka Salax Awards izaba itangwa ku nshuro ya munani. Ubuyobozi bwa AHUPA Digital Services ari nayo ifite mu nshingano itangwa ry’ibi bihembo, yatangaje ko nubwo imyidagaduro yatambamiwe n’icyorezo cya Coronavirus bitazabuza ko bitangwa kuko abahanzi barakoraga.

Umuyobozi wa AHUPA, ariwe Ahmed Pacifique yabwiye Ibyamamare.com ko nubwo umwaka washize Salax Awards yatanzwe mu kwezi kwa Werurwe, muri uyumwaka bahisemo ko bizatangwa mu Ukuboza 2020.

Agize ati “Ubushize twabiteguye muri Werurwe, twasanze byaba byiza bishyizwe mu mpera z’umwaka kugira ngo tujye duhemba umuhanzi witwaye neza muri uwo mwaka cyane ko uba uri kurangira.”

Ahmed yavuze kandi ko nubwo icyorezo cya Covid-19 cyakomeza, itangwa ry’ibi bihembo ritahagarara kuko hari uburyo bwo kuba byatangwa hifashishijwe ikoranabuhanga .

Mu mpera z’ukwezi kwa Nzeri nibwo hazashyirwa hanze urutonde rusange rw’abahanzi bazahatanira ibi bihembo n’ibyiciro bazahatanamo.

Hateganyijwe kandi ibitaramo bitandukanye bizabanziriza itangwa ry’ibi bihembo, bikazitabirwa n’abahanzi batandukanye bazaba babihatanira.

Ahmed Pacifique umuyobozi wa AHUPA itegura Salax Awards.
Bruce Melodie niwe wegukaye byinshi muri ibi bihembo ubwo byaherukaga gutangwa.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE