ShaddyBoo yavuze ukuntu ariguhomba amamiliyoni menshi kubera gahunda ya #Guma mu rugo

Mbabazi Shadia wamamaye ku mbuga nkoranyambaga ku izina rya ShaddyBoo, avuga ko ubucuruzi bwe bwo kwiyerekana, kwerekana amafoto no kwamamaza byakomwe mu nkokora n’ibi bihe, kuri ubu akaba agerageza kwamamariza abantu ariko ibijyanye no kwiyerekana no kugenda byahagaze.

Uyu mukobwa wikizungerezi kuri ubu uza imbere mu bakurikirwa cyane kuri Instagram mu Rwanda, avuga ko amafaranga ari guhomba muri ibi bihe atagira ingano.

Ngo yari afite ibitaramo bibiri yagombaga kujya kwigaragarizamo mu bihugu bitandukanye, bikaba byaramaze gusubikwa kubera icyorezo cya Coronavirus.

Mu magambo ye yagize ati “Mfite igihombo gikomeye ntiwabishyira mu mafaranga ngo ubivuge, nagombaga kujya i Kinshasa muri Kongo guhostinga show mu kwezi kwa Kamena, nyuma yaho ngahita njya muri Canada mu kwezi kwa Nyakanga cyangwa ukwa Kanama, urumva ko nagombaga gushaka ibyangombwa n’ibindi, ubu birasa naho bitagishobotse ariko n’ukubyakira uko ntakundi”.

Nubwo ShaddyBoo akomeje guhomba, ngo afite inkunga yahawe n’abantu batandukanye bo hirya no hino ku isi, ku buryo nawe azayigeza ku batishoboye muri ibi bihe dore ko byahuriranye n’igisibo cya Ramadhan kandi akaba ari Umuyisilamukazi.

Ku itariki ya 20 muri ukukwezi kwa Mata ubwo ShaddyBoo yizihizaga isabukuru y’amavuko, yahisemo kugenera ubufasha abagizweho ingaruka na Coronavirus. Ubusanzwe ShaddyBoo yari akunze gusangira n’abana bo ku muhanda ku isabukuru ye y’amavuko ndetse no ku munsi mukuru w’Ilaidi.

Uyu mugore w’abana babiri avuga ko atangazwa n’abantu bababazwa n’uburyo akora akazi ke ko kwiyerekana akanacuruza,  avuga ko buri wese agira uburyo akoramo akazi gatuma abaho, ahamya ko benshi bamwibeshyaho bakamufata uko atari.

ShaddyBoo aza imbere mu bakurikirwa cyane mu Rwanda ku rubugwa rwa Instagram.

 

 

Tanga Igitekerezo ukoresheje Facebook

SHARE