Shampiyona y’u Bwongereza yahagaritswe, ibikobmbe byose byatanirwaga iburayi, uyu mwaka uraba imfabusa

Bimaze gutangazwa ko shampiyona y’u Bwongereza yahagaritswe kugeza igihe ikibazo cya Coronavirus kizaba cyamaze gusobanuka.

Kuri uyu wa Gatanu ni bwo hari hateganyijwe inama yagombaga gufata imwe mu myanzuro kuri shampiyona y’u Bwongereza, aho bigombaga ku gihe yazakomereza ndetse n’ibibazo birimo kugabanya imishahara y’abakinnyi.

Kugeza ubu amakuru ahari aravuga ko iyi shampiyona izwi nka English Premier League ihagaritswe kugeza igihe kitazwi.

Uretse iyi shampiyona, ibindi bikombe bitandukanye byahagaritswe nk’igikombe cy’igihugu (FA Cup ), Shampiyona y’icyiciro cya mbere mu bagore (Women’s Super League), Igikombe cy’igihugu mu bagore ndetse na shampiyona y’icyiciro cya kabiri mu bagore.

Nk’uko Sky Sports dukesha iyi nkuru ibitangaza, yavuze ko Leta y’u Bwongereza yatangaje ko imikino izakomeza mu gihe Leta yongeye gutanga amabwiriza

Iyi shampiyona ihagaritswe Liverpool iyoboye urutonde rwa shampiyona aho irusha Manchester city amanota 22 ikaba yasabwa gutsinda imikino ibiri gusa ikegukana igikombe inyotoye nyuma y’imyaka 30 itagitwara

Tanga Igitekerezo ukoresheje Facebook

SHARE