Search

Shekinah Drama Team bahembuye imitima ya benshi mu mugoroba w’isanamitima bise ‘Quest to The Cure’ (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ku mugoroba wo kuri iki Cyumweru tariki ya 15 Mata 2018 nibwo itsinda rya Shekinah Drama team yo mu itorero rya Evangelical Restoration Church Kimisagara, ryahembuye imitima ya benshi mu bitabiriye umugoroba w’isanamitima binyuze mu mukino bise ‘Quest to the Cure’ bivuga ‘inzira igana ku muti’. 

Abasore n’inkumi bagize Shekinah Drama Team muri Quest to the Cure ibaye ku nshuro yayo ya gatatu.

Ni ku nshuro ya gatatu iritsinda rihimbaza Imana ribinyujije mu mbyino zizwi nka ‘Drama’ ritegura iki gikorwa cy’isanamitima babinyujije mu mukino bise Quest to The cure.

Quest to the Cure n’umukino ugaruka ku buzima n’ibibazo bitandukanye urubyiruko rwavutse nyuma ya Jenoside rwibaza ndetse n’uburyo bwo kubishakira umuti binyuze mu nzira y’ubumwe n’ubwiyunge harimo n’inzira y’agakiza.

Inkuru y’uyu mukino ivuga ku mwana w’Umunyarwanda uba yaravukiye mu mahanga aho ababyeyi be baba barahungiye, ababyeyi b’uyu mwana ntabwo baba bahuje ubwoko. Papa we aba ari umuhutu naho nyina ari umututsikazi rero bituma bahorana ipfunwe ryo gusobanurira umwana wabo ukuri ku mateka ya Jenoside yakorewe Abatutsi.

Igihe kiragera uyu mwana agatoroka ababyeyi be akaza mu Rwanda gushaka ukuri ku mateka ababyeyi be baba baranze kumubwira. Ageze mu Rwanda yamenye byinshi ku nzangano zaje no kuvamo Jenoside, mu nshuti yahagize zo mu rungano rwe harimo abafite ababyeyi bakoze Jenoside n’abandi bari bafite abayeyi bahigwaga muri Jenoside bahoraga mu buzima bwo gushyamirana kubera amateka bose batagizemo uruhare.

Nyuma se w’uyu mwana azakumuhamagara kuri telephone akamubwira ko ari mu bwoko bwakoze amahano bituma atangira nawe kugira ipfunwe ariko umwe mu nshuti ze uba yaravutse ku mubyeyi wafashwe ku ngufu muri Jenoside nyuma akabasha kwiyakira no kwakira agakiza niwe ugira uruhare mu kwiyunga kwaba bana bizimpande zombi, akabasobanurira ko ayo mateka ntaruhare bayagizemo bityo ikiruta ari ugusenyera umugozi umwe kugirango bitazasubira ukundi.

Abitabiriye uyu mugoroba bateze amatwi ubutumwa buri muri uyu mukino.

Benshi mu bitabiriye uyu mugoroba bahembuwe imitima n’ubutumwa bwari bukubiye muri uyu mukino dore ko n’abasore n’inkumi bawukinaga bagaragazaga amarangamutima adasanzwe yanatumaga ubutumwa batanga bucengera neza mu mitima y’abari aho.

Iki gikorwa gitegurwa mu bihe byo kwibuka Jenoside yakorewe Abatutsi muri Mata 1994, Basomingera Isaac umuyobozi wa Shekinah Drama Team yabwiye Ibyamamare.com ko uyu ari umusanzu batanga nk’urubyiruko mugushishikariza urundi rubyiruko kwumva ko Abanyarwanda bose ari bamwe ndetse no guharanira ko Jenoside yabaye mu Rwanda itazongera.

Muri uyu mwaka Quest to The Cure izakinirwa ahantu hatatu hatandukaneye mu mujyi wa Kigali, ku ikubitiro wabereye ku rusegero rwa Restoration Church Kimisagara ari naho iyi Shekinnah Drama Team ibarizwa, ku itariki ya 22 Mata uzakinirwa mu mujyi wa Kigali rwagati mu nyubako ya KCT naho kuwa 29 Mata 2018 ukinirwe ku rwibutso rwa Jenoside rwa Kigali ku Gisozi.

Uru rubyiruko rwanyuzagamo rukerekana imbyino z’ubuhanga bagendera ku murya wa gitari.

 

Aba pasiteri batandukanye bo muri itorero Restoration ChurchKimisagara bari bitabiriye uyu mugoroba w’isanamitima.

 

 

 

Comments

comments




Leave a Reply

Your email address will not be published. Required fields are marked *