Search

Sinach wamamaye mu ndirimbo ‘I know Who I am’ agiye gutaramira i Kigali

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzikazi w’indirimbo zihimbaza Imana uri mu bakomeye ku Isi, OSINACHI JOSEPH wamamaye nka ‘Sinach’ byamaze kwemezwa ko azaza gutaramira mu Rwanda mu gitaramo ngaruka mwaka cya Easter Celebration Concert.

Sinach uri mu bahanzi b’indirimbo zo kuramya no guhimbaza Imana bakomeye ku Isi agiye gutaramira i Kigali.

Sinach ukomoka muri Nigeria amaze kwamamara ku Isi yose kubera ubutumwa busubiza imitima y’abantu ibyiringiro buba bukubiye mu bihangano bye. Benshi bakaba baramumenye mu ndirimbo zitandukanye nka ‘I know Who I am’ iyi yanabiciye bigacika hano mu Rwanda, ‘WayMaker’, ‘He did it Again’, ‘This is my Season’, ‘Awasome God’, ‘The name of Jesus’ n’izindi nyinshi.

Uyu muhanzikazi umaze kwegukana ibihembo byinshi bitandukanye haba ku mugabane wa Africa no ku rwego rw’Isi, azataramira Abanyarwanda mu gitaramo ngaruka mwaka cya ‘Easter Celebration Concert’ gitegurwa n’umuhanzi Patient Bizimana.

Biteganyijwe ko Sinach azagera mu Rwanda mu mpera z’ukwezi kwa Werurwe, akazazana n’itsinda ry’abantu 12 bazamufasha muri iki gitaramo kizaba ku itariki ya 1 Mata 2018 nk’uko twabitangarijwe na Patient Bizimana.

Easter Celebration concert ni igitaramo kimaze kumenyekana cyane mu Rwanda dore ko kiba buri mwaka, aho abakristu bahurizwa hamwe na Patient Bizimana bagahimbaza Imana bizihiza izuka rya Yesu Kristo.

Sanich niwe Patinet Bizimana yatumiye muri Easter Celebration Concert y’uyu mwaka.

Mu mwaka ushize iki gitaramo cyabereye muri Kigali Convention Center.

Iki gitaramo kiri mu byitabirwa cyane mu Rwanda.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.