Skol n’abanyarwenya bo muri Comedy Night baryohereje weekend abanywera muri Best Corner Bar i Kagugu (Amafoto)

Uruganda rwa Skol ku bufatanye n’Abanyarwenya bo mu itsinda rya Comdey Night, buri wa gatanu bataramira abakunzi babo babasanze mu tubari dutandukanye banyweramo. Kuri iyi nshuro hari hatahiwe mu kabari kitwa Best Corner i Kagugu.

Ibi bitaramo byise “Live Laugh Lager” bihuriza hamwe aba banyarwenya bagataramira abaje kwica icyaka binywera kuri Skol Lager ndetse bakabafasha kwinjira muri weekend nta munabi.

Mu ijoro ryo ku wa Gatanu tariki ya 1 Ugushyingo 2019 nibwo abanyarwenya nka Joshua, Micheal Sengazi, George, Prince, Kibonke Clapton, Vugirije na Babu basusurukije abakunzi ba Skol bari bitabiriye iki gitaramo muri Best Corner batangira weekend bagorora imbavu mu nzenya zitandukanye.

Vugirije na Joshua bagarutse ku nkuru y’umu Pasteur n’umwe mu bayoboke be waje ngo bamusengere kuko ngo yari afite ikibazo cy’amadayimoni. Pasteur yumvise ko uwo mudayimoni afite gahunda yo gutanga miliyoni eshanu kuri uwo muntu, asenga  asaba ko uwo mudayimoni yava muri uwo muntu akajya muri we!

Babu we yasangije abantu inkuru y’uko abajura bajya bashyiramo akenge mu mwuga wabo mbere yo kwiba umuntu akabanza akamuganiriza akumva ibibazo bye mu rwego rwo kurushaho koroshya akazi kabo.

Yatanze urugero rw’umuntu bibye amafaranga ariko kubera uburyo umujura yabanje akamuganiriza ndetse akamuha na ticket imucyura muyo yamwibye uwibwe yatashye ashima uwamwibye uburyo ari umuntu mwiza.

Aba banyarwenya banatanga umwanya ku bitabiriye biyumvamo impano yo gusetsa bakigaragaza, uwo abantu bahisemo ahabwa ibihembo birimo n’ikinyobwa cya Skol Lager.

Aho iki gitaramo cyabereye, inzoga ya Skol Lager iba icuruzwa kuri poromosiyo aho ugura indobo irimo amacupa atanu kuri 2000Frw.

Mu ntangiriro z’icyumweru gitaha nibwo hazatangazwa aho ibi bitaramo bizakomereza kuwa gatanu utaha.

Joshua na Michael Sengazi basekeje abari aho biratinda.

 

Tanga Igitekerezo ukoresheje Facebook

SHARE