Search

Soma amagambo y’ubwenge ashobora kugufasha muri uru rugendo rwubu buzima

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Bimwe mu bibazo abantu bafite bigaragara none ni ukumva ko ibintu bihinduka habayeho induru n’inkubiri bikaze nyamara siko biri!
hari itsinda ry’abantu bacye babonye ko atari uko ibibazo bikemurwa.ahubwo ko bikemurwa mu mahoro, ubworoherane ndetse n’ubwumvikane!
Mbere y’uko ushaka ko ibintu bihinduka, menya icyo mugenzi wawe akeneye ;uyu munsi umubiri wawe ushobora kuba udakeneye isukari, ariko uwanjye uyikeneye niba warabujijwe ikintu cyangwa se wowe utagishaka wikumva ko n’abandi batagikeneye!


1. Ntuzarebe umuntu ngo umwite imbwa, cyangwa se ngo uvuge ko ntacyo ashoboye kuko buri muntu wese afite uburyo akoramo Imana yamugeneye umunyabwenge si ngombwa kugaragaza icyo ashoboye mbere ahubwo yerekana inenge n’intege nke bye mbere agaherutsa icyo ashoboye nyuma nibyo Umunyarwanda yavuze ngo “ibuye rimeneka urwondo rugisukuma!”


2. Uzirinde gusuzugura cyangwa gutesha agaciro ikiremwamuntu kuko buri wese afite impamvu ariho ni nayo mpamvu kwambura ubuzima umuntu uzira ubusa kandi ubigambiriye bifatwa nko kwambura ubuzima abantu bose batuye isi!

3. Uyu munsi abantu bose barasenga n’ubwo bwose gusenga bifite uko bikorwa n’aho tubikomora ariko nutega amatwi abantu bose basenga ukabaha umwanya bakakubwira uko babyumva, bizabafasha kumenya uko gusenga bikorwa.


4. Nutega kandi buri wese amatwi akakubwira ibijyenda neza n’ibitajyenda neza bizagufasha kumenya icyo rubanda bacyeneye!


5.  Kuyagirana umubabaro n’ibibazo sibyo bicyenewe cyane kuko ibibazo by’abantu birutanwa ahubwo igikenewe kuruta ibindi ni abantu gushyira hamwe bagacyemura iby’ingutu muri byo!


6. Ntukite umuntu mwiza ahubwo uzaharanire gushyikirana no kubana nawe mu buzima bwa buri munsi nibwo uzamenya niba atari mwiza cyangwa se ari mwiza!


7.  Ibyo ukeneye byose k’umuntu, uko ushaka ko aba, uko yitwara siko uzabibona kereka abaye ari Malayika cyangwa se ufite ubushobozi bwo kurema ukiremera uwo ushaka, ahubwo icy’ingenzi ni ukumenya uko mugenzi wawe akeneye ko nawe
umwitwaraho.


8. Kuvuga cyangwa se kwandika mu ndimi z’amahanga sibyo bikugira Icyogere n’ubwo bwose bishoboka ahubwo banza umenye abo ubwira niba babyumva kuko jye niyo mpamvu mvuga mu Kinyarwanda kuko abo mbwira nabo ari Abanyarwanda naho ibitari ibyo biba ari ukwitaka no kwikina!

9.  Ntago abantu ari bose ari abaswa ahubwo urebye neza usanga buri muntu wese ari umuhanga ku giti cye cyane cyane ba bandi bagira icyo bakura ku bababereye Urugero rwiza. Ahubwo umuswa mu bantu ni uwumva ko ntacyo akeneye ku bandi!

Comments

comments




Leave a Reply

Your email address will not be published. Required fields are marked *