Sugira Ernest afashije ikipe y’igihugu Amavubi ayihesha amanota 3 imbere ya Ethiopia

Ikipe y’ igihugu y’ u Rwanda yakuye itsinzi kuri Ethiopia mu mukino ubanza wo gushaka itike ya CHAN. Umukino wo kwishyura uzabera I Kigali tariki 19 Ukwakira 2019.

Igitego cya Sugira Ernest cyabonetse ku munota wa 60 nicyo gitego rukumbi cyabonetse muri uyu mukino wabereye mu mugi wa Mekele.

Tariki 19 Nzeri nibwo abasore b’ Amavubi bageze mu mugi wa Addis Ababa bakomeza kwitegura uyu mukino wabaye none tariki 22 Nzeri 2019.

Uyu ubaye umukino wa kane amavubi atsinze akurikiranya nyuma yo gutsina Seychelles kabiri ikanatsindira iwabo ikipe y’ igihugu ya Repubulika ya Demukarasi ya Congo.

Biteganyijwe ko itsinda ry’abavuye muri Ethiopia basesekara ku kibuga cy’indege mpuzamahanga cya Kigali i Kanombe kuri uyu wa Mbere tariki 23 Nzeri 2019, saa 14:30, naho umukino wo kwishyura uteganyijwe tariki 18 Ukwakira 2019, Saa 15:00 kuri stade ya Kigali.

Tanga Igitekerezo ukoresheje Facebook

SHARE