Sunrise yatsinze Rayon Sports ibitego bibiri

Ikipe yambara ubururu n’umweru, Rayon Sports inaniwe kwiyicaza ku mwanya wambere, ubu ifite amanota 10 mugihe iyambere ari Mukura VS n’amanota 11 inganya na Police FC.

Rayon Sports yari ikeneye  cyane amanota atatu kugira ngo ifate umwanya wa mbere birangiye itabigezeho.

Sunrise mubyishimo, bishimira igitego

Ku mukino wa Shampiyona wabaye kuri uyu wa Gatandatu, taliki ya 26 Ukwakira 2019, ikipe ya Sunrise yahagamye, Rayon Sports iyikuraho amanota atatu.

Rayon Sports yari itaratsindwa kugeza magingo aya, yarushijwe bigaragara n’ikipe ya Sunrise aho umukino warangiye ari Ibitego 2 bya Sunrise kuri Kimwe cya Rayon.

Ibitego bya Manjanjaro Suleiman na Mwangu Pius byatumye Sunrise ishimisha abafana bayo bari baje kwihera amaso umukino w’umunsi wa gatanu wa shampiyona batsinzemo Rayon Sportsb 2-1

Uyu mukino wabereye ku kibuga cya Sunrise babatije Gologotha, ngo nta kipe ihagera ngo ihave amahoro.

Sunrise FC ifashe umwanya wa gatandatu n’amanota arindwi.

Uko indi mikino yarangiye:

AS Kigali 1-0 Marines FC
Mukura VS 2-1 Gasogi United
Bugesera FC 0-2 Etincelles FC

 

Tanga Igitekerezo ukoresheje Facebook

SHARE