Super Manager agiye gushyira ku isoko ikinyobwa yiyitiriye

Gakumba Patrick wamamaye nka Super Manager yahishuye ko muri 2020 azashyira ku isoko ikinyobwa gishya cyongera imbaraga mu mubiri yise Super Drink.

Mu ijoro ryo kuri uyu wa 31 Ukuboza rishyira ku ya 1 Mutarama 2020 Isi yose yishimaraga gutangira umwaka mushya, ari nako abantu batandukanye bahigira ibyo bazakora muri uyu mwaka.

Super Manager umaze kumenyekana cyane kubera udushya dutandukanye agenda akora, mugutangira umwaka wa 2020 yahishuye ko ageze kure imyiteguro yo gushyira ku isoko ikinyobwa gishya yise Super Drink.

Aganira na Ibyamamare.com Super Manager yavuze ko yishimira byinshi u Rwanda n’Abanyarwanda bagezeho mu cyerekezo 2020 abasaba kurushaho gufatanya no gukora cyane bagana mu cyerekezo gishya 2050.

Abatifuriza u Rwanda ibyiza abagereranya na shitani kandi ngo shitani ntazigera atsinda Imana. Ati “Abatifuriza u Rwanda ibyiza abo bihangane kuko Imana iri muruhande rwacu, bameze nka shitani kandi birazwi ko shitani itatsinda Imana”.

Uyu musore ukunze kwitazira King of the street, ATM Machine n’andi menshi, avuga ko ikinyobwa agiye gushyira ku isoko kiri mu bwoko bw’ibidasembuye byongera imbaraga mu mubiri kandi bikawufasha kumererwa neza.

Yirinze gutangaza igihe kizagerera ku isoko gusa avuga ko ari mu minsi ya vuba. Mu bijyanye na muzika yatangaje ko ubu ari gukora ku ndirimbo ye nshya yageneye abakunzi be nk’impano ya 2020.

Ubusanzwe Super Manager n’umuhanzi akaba rwiyemezamirimo ndetse n’umushabitsi mu bijyanye no kugurisha abakinnyi.

Super Manager agiye gushyira ku isoko ikinyobwa cyitwa Super Drink.

 

Tanga Igitekerezo ukoresheje Facebook

SHARE