Tanasha yibarutse ku isabukuru y’amavuko y’umugabo we Diamond

Kuri uyu wa Gatatu tariki ya 2 Ukwakira 2019 n’umunsi ukomeye kuri Diamond Platnumz na Tanasha Donna kuko uyu mukobwa yibarutse imfura ye n’uyu muhanzi. Byanahuriranye nuko kuri iyi tariki aribwo Diamond nawe yavutse, akaba yizihiza isabukuru y’imyaka 30.

Wasafi FM ya Diamond niyo yatangaje aya makuru bwa mbere. Mu butumwa uyu muhanzi yanditse kuri twitter yagaragaje ko umukunzi we Tanasha yibarutse ku isaha ya saa saba z’amanywa n’iminota 28.

Nyuma yaho yahise ashyira ifoto kuri Instagram akikiye umwana Tanasha Donna yamubyariye ayiherekeresha amagambo make agira ati “Happy Birthday to us”.

Ku itariki nk’iyi mu 1989 nibwo Diamond nawe yaboneye izuba ahitwa Tandale mu mujyi wa Dar as Salaam, iyi sabukuru akaba agiye kujya ayifatanya n’umuhungu yabyaranye na Tanasha.

Uyu abaye umwana wa kane Diamond abyaye nyuma ya babiri yabyaranye na Zari n’undi umwe yabyaranye na Hamissa Mobeto, mu gihe ari uwa mbere kuri Tansha Donna.

Ifoto Diamond yashyize kuri Instagram akikiye umwana Tanasha yabyaye.

 

Tanga Igitekerezo ukoresheje Facebook

SHARE