Search

Team Rwanda na Areruya Joseph nyuma yo kwegukana Tour de l’Espoir basesekaye i Kigali bakirwa nk’Abami ubugira kabiri

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Areruya Joseph umusore ukomeje kwandika ibigwi n’amateka mu mahanga,agakomeza kuzamura Idarapo ry’igihugu aho agezehose nyuma yo gutwara  Tour de l’Espoir 2018 hataciye n’ibyumweru bibiri  atwaye La Tropicale Amisa Bongo 2018,ndetse akaba yaranatwaye Tour du Rwanda 2017,yamaze gusesekara hano i Kigali we na Team Rwanda bakirwa nk’abami nk’uko byagenze ubwo yegukanaga La Tropicale Amisa Bongo

Areruya na bagenzi be bakiriwe nk’abami bakigera i Kigali

Iri rushanwa ry’abatarengeje imyaka 23 aba bakinnyi begukanye, ryaberaga mu gihugu cya Cameroun, Arerura Joseph akaba ari we wasoje ari uwa mbere akegukana umupira w’umuhondo ku rutonde rusange.

Iyi ntsinzi kandi yanatumye iyi kipe y’abatarengeje imyaka 23 yemererwa kuzitabira irushanwa ryitwa Tour de l’Avenir, rifatwa nka Tour de France y’abatarengeje iyi myaka.

Areruya mu kiganiro n’itangazamakuru

Mu kiganiro gito Areruya Joseph yagiranye n’itangazamakuru bakigera i Kanombe, yatangaje ko iyi ntsinzi yiyongera ku zo bamaze iminsi babona, bazikesha ikinyabupfura, imyitozo ihagije ndetse no kumvira inama z’ababakuriye bafite icyo babarusha muri uyu mukino.

Bayingana Aimable uyobora Ishyirahamwe ry’umukino w’Amagare mu Rwanda, yashimye ishyaka ry’aba bakinnyi, anavuga ko ubu bakomeje gukaza imyitozo kuko hakiri amarushanwa menshi yo kwitabira.

Ati” Tugomba gukomeza guhatana tukazamura amanota yacu ku rwego rwa Afurika.”

Bugingo Emmanuel ushinzwe siporo muri MINISPOC mu bagiye kwakira Team Rwanda

Irushanwa rigitangira kuwa 31 Mutarama 2018, Umunyarwanda waje hafi yari Areruya Joseph wakoresheje 2h25’53”, akurikirwa na Rene Jean Paul Ukiniwabo waje ari uwa karinwi (7), akaba arushwa n’uwa mbere 2’53”, mu gihe Munyaneza Didier we yaje ari uwa 18 hamwe na Hakiruwizeye Samuel wa 19, bombi bakarushwa n’uwa mbere 5’4”.

Abandi ni Ruberwa Jean Damascene waje ari uwa 37 akarushwa n’uwa mbere 9’19” n’aho Mugisha Samuel wari usigaye we aza ari uwa 48, arushwa n’uwa mbere 9’37”. Aka gace kari katwawe na Mebrahton Natnael ukomoka muri Erythrea.

Abasore ba Team Rwanda bakigera i Kanombe

Areruya Joseph na Team Rwanda baherukaga kwakirwa nk’intwari mu kwezi gushize, nyuma yo kwegukana irushanwa La Tropicale Amissa Bongo yaberaga mu gihugu cya Gabon.

Dore abakinnyi 10 ba mbere muri Tour de l’Espoir 2018:

1.Areruya Joseph (Rwanda)-10h27m34s

2.Chokri El Mehdi (Maroc)-10h30m14s

3.El Kouraji Mohcine (Maroc)-10h30m40s

4.Ukiniwabo Rene Jean Paul (Rwanda)-10h32m17s

5.Van  Niekerk Aidan (South Africa)-10h32m02s

6.Ejgu Milion Beza (Ethiopia)-10h33m40s

7.Daumont Paul (Burkina Faso)-10h33m56s

8.Sabbahi El Houcaine (Maroc)-10h34m05s

9.Munyaneza Didier (Rwanda)-10h35m44s

10.Tewelde Robel (Erythrea)-10h37m57s

 

Richard [email protected]

Comments

comments




Leave a Reply

Your email address will not be published. Required fields are marked *