Search

The Ben yatanze inkunga ya $500 kugirango umurambo wa Ganza uzanwe mu Rwanda

IBM Radio Listen Live

KANDA HANO UREBE VIDEO

Bamwe mu banyarwanda n’inshuti zabo batuye muri Leta Zunze Ubumwe z’ Amerika barigukusanya inkunga y’amafaranga hagamijwe gufasha umuryango wa Ganza uherutse gupfira muri iki gihugu kuba wageza umurambo we hano mu Rwanda akaba ariho ashyingurwa.

Ganza y’itabye Imana ari muri USA

Ndayishimiye Innocent uzwi kumazina ya “Ganza” yitabye Imana taliki ya 3 Gashyantare 2018 akaba yarasanzwe iwe murugo yapfuyendetse bikaba bikomeje kuvugwa ko yaba yariyahuye, uyu musore ajya gupfa nta muryango yagiraga muri Amerika ku buryo byakoroha ko ariho ashyingurwa.

Nkuko twabitangarijwe na Adrien Misigaro umwe mu bahanzi Nyarwanda batuye muri Amerika yavuze ko uyu musore yari afite umugore b’ abanaga w’ umunyakoreya nyuma baza gutandukana babyaranye umwana umwe.

Bivugwa ko uwo mugore wabanaga na Ganza ari nawe wamukuye mu Rwanda akamujyana muri Amerika mu mwaka wa 2015 ubwo yigaga muri Kaminuza ya Tumba College of Technology.

Bamwe mu nshuti z’ uyu musore batuye muri Amerika batangije igikorwa cy’ urukundo cyo gufasha umuryango we kugirango umurambo we ugezwe i Kigali.

Mugisha Ben “The Ben” ni umwe mu bahanzi bakoranye na Ganza ubwo yakoraga amashusho y’ indirimbo ‘Habibi’. Ibikoresho bakoresheje ndetse n’igice kimwe cy’amashusho y’iyi ndirimbo n’akazi ka kozwe na nyakwigendera Ganza.

Uyu musore yakoraga akazi ko gutunganya Ama Video dore ko ari we wakoze igice kimwe kuri Habibi ya The Ben

The Ben wakoranye na Ganza niwe wafashe iya mbere mu gutanga ubufasha aho yatanze amafaranga angana na n’amadorali (500$) asaga ibihumbi 430 000 mu mafaranga y’u Rwanda.

Kugeza ubu urupfu rwa Ganza ntabwo haraboneka ibindi bimenyetso wenda byaba byaratumye uyu musore yiyahura ariko Police nayo ngo iracyakora iperereza imenye niba nta muntu wari ufitanye ikibazo na Ganza dore ko byagiye bivugwa cyane ko ashobora kuba yariyahuye kubera umukobwa w’undi yateye inda akaba yarashakaga kumukuriramo inda.

Reba indirimbo Habibi ya The Ben uyu musore yatunganyijeho igice kimwe ikindi gikorwa na Cedru.

 

Richard [email protected]

Comments

comments




Leave a Reply

Your email address will not be published. Required fields are marked *