The Ben yerekanye ko urukundo rwe na Miss Uwicyeza Pamela rugeze aharyoshye, barikuryohereza muri Tanzania

Umuhanzi w’Umunyarwanda Mugisha Benjamin wamamaye ku izina rya The Ben mu muziki, yagaragarije abakunzi be ko ari mu rukundo n’umwari Uwicyeza Pamella wagaragaye muri banyampinga bahataniye ikamba rya Miss Rwanda 2019.

Uyu muhanzi wishimirwa n’imbaga nya mwinshi kubera umuziki we, yari amaze iminsi anugwanugwaho ko yaba ari mu munyenga w’urukundo na Miss Pamella, gusa uko byagiye bivugwaho kenshi, impande zombi zirindaga kubihakana cyangwa se ngo zibyemeze.

The Ben yifashishije amashusho  hanze anyuze ku rukuta rwe rwa Instagram, yagaragaje arikumwe na Pamella barikurya ubuzima muri Tanzania

The Ben yifashishije amashusho anyuze ku rukuta rwe rwa Instagram, yagaragaye arikumwe na Pamella barikurya ubuzima muri Tanzania, bituma abakunzi babo bahanyako urukundo ruri kugurumana hagati yabo.

The Ben agaragaje iyi videwo, nyuma y’uko ibitangazamakuru bitandukanye hano mu Rwanda byatangaje ko nawe yaba yarasanze Pamella mu gihugu cya Tanzania ndetse uyu mukobwa yagaragaye muri iki gihugu yambaye ishati isa neza niyo The Ben yigeze kugaragara yambaye.

Ku mugoroba w’Ejo kuwa gatandatu, The Ben yashyize ku rukuta rwe rwa Instagram amashusho ari kumwe na Miss Pamella hafi y’amazi muri Tanzania ndetse yamusomye ku gahanga.

Nta magambo yihariye yayaherekesheje gusa Miss Pamela yari yegamye mu gituza cya The Ben mu buryo bw’abakundana.

Nta gihamya n’imwe yemezaga abantu ko aba bombi bakundana ariko aya mashusho yashyizwe hanze na The Ben ari kumwe na Pamella muri Tanzania,agaragaza neza ko uyu muhanzi yihebeye uyu mukobwa w’ikimero w’imyaka 21.

Miss Pamella yakunze kugaragaza amarangamutima ye kuri The Ben, aho aherutse gushyira hanze ifoto bari kumwe, arangije ayiherekesha amagambo agira ati “Mine”, bisobanuye “Uwanjye.”

Miss Pamella yahatanye muri Miss Rwanda mu 2019 aza mu bakobwa 20 bashakishwagamo Nyampinga w’u Rwanda, yanabaye Igisonga cya Mbere cya Miss Zuri Africa Queen yaberereye muri Kenya mu 2019.

Tanga Igitekerezo ukoresheje Facebook

SHARE