Search

‘The Hub Entertainment’ niryo zina rya studio nshya Urban Boys igiye gufungura

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Itsinda rya Urban Boys rigizwe n’abasore babiri aribo Nizzo Kaboss na Humble Jizzo baritegura gufungura studio yabo nshya izitwa ‘The Hub Entertainment’ akaba ariho bazajya bakorera ibihangano byabo bitandukanye ndetse n’ibyabandi bazajya babyifuza.

Urban Boys igiye gushinga studio nshya bise ‘The Hub Entertainment’.

Urban Boys ni rimwe mu matsinda akomeye mu muziki wo mu Rwanda, nyuma yuko aba basore bahoze ari batatu maze mugenzi wabo Safi akaza kwitandukanya nabo. Kuri ubu Nizzo na Humble Jizzo bakomeje ibikorwa byo kwagura muzika yabo ndetse banarushaho kwegera abakunzi babo.

Mu gihe Humble Jizzo wari umaze amezi arenga abiri abarizwa muri Amerika aho yari yaraherekeje umugore we Amy kubyara, ari mu nzira agaruka mu Rwanda mu genzi we Nizzo wari warasigaye ku rugo yahishuye ko bageze kure gahunda zo gufungura studio yabo bwite banamaze kubonera izina.

Nubwo batarameza neza umunsi wo gutaha iyi studio yabo bise ‘The Hub Entertainment’ ariko Nizzo avugako ari mu insi ya vuba kuko ibyingenzi byarangije gutunganywa.

Amakuru dukura mu nshuti za hafi z’aba basore avuga ko hari ibikoresho bikeya bikibura muri iyi studio Humble Jizzo agomba kuvana muri Amerika ngo nibihagera ntakindi kizaba gisigaye.

Urban Boys n’itsinda rimaze imyaka icumi muri muzika, mu ntangiriro za 2018 nibwo mugenzi wabo Safi yabavuyemo maze ajya gukomeza muzika ku giti cye abandi nabo bahitamo gukomeza iritsinda ryabo ari babiri.

Nizzo na Humble Jizzo bemeza ko Urban Boys ari itsinda rikomeye kandi ridateze kuzasibangana.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.