Tom Close na Tricia babyaye umwana wa Gatatu, bihurirana n’isabukuru y’imyaka 6 bamaranye

Umuhanzi akaba n’umuganga, Muyombo Thomas [Tom Close] hamwe n’umugore we, Ange Tricia bari mu munezero udasanzwe kubwo kwibaruka umwana wabo wa Gatatu, bikaba byahuriranye n’isabukuru y’imyaka 6 aba bombi bamaze basezeranye kubana akaramata.

Ange Nshuti Tricia, abinyujie kumbuga ze nkoranyambaga, yashyizeho ifoto y’umutsima bizihiza isabukuru y’imayaka 6 bamaze bakoze ubukwe, iyi foto Ange yayiherekesheje amagambo agira ati “Imyaka 6 n’indi myinshi warakoze Mana”

Tom na Trici babyaye umwana wabo wa Gatatu

Ange akimara gushyiraho iyo foto yishimira imyaka 6 amaranye n’umuhanzi Tom Close Nyuma y’iminota mike yahise ashyiraho indi foto, agaragaza ko yishimiyeko we n’umugabo we bibarutse umwana wa Gatatu, yagize ati “Mbere y’uko Ugushyingo kurangira ijuru ryongeye kudusekera, nyuma ya I. Ella, I. Elan, na I. Elai ubu dufite na Irebe Elana mudufashe gushima Imana.”

Tariki 30 Ugushyingo 2013 nibwo Tom Close n’umufasha we basezeranye imbere y’Imana kubana akaramata, aho ubu bamaranye imyaka itandatu bibarutsemo abana batatu biyongeraho umwe barera, ubu bafite abana bane.

Tanga Igitekerezo ukoresheje Facebook

SHARE