Tom Close yaririmbiye abaganga mu nama yabahuje na Perezida Kagame(Amafoto)

Umuhanzika akaba n’umuganga Dr Muyombo Thomas uzwi muri muzika nka Tom Close yasusurukije abaganga bagenzi be ndetse n’abayobozi bitabiriye inama yabahuje na Perezida Kagame.

Iyi nama  yabaye kuri uyu wa kane tariki 07 Ugushyingo 2019,mu cyumba cy’inama cya Intare Conference Arena mu Karere ka Gasabo, mu Mujyi wa Kigali. Iyi nama iri mu rwego rwo kuganira ku ruhare rw’abaganga mu guteza imbere igihugu.

Umuhanzi Tom Close aririmba

Ni inama yahurije hamwe abaganga barenga 800 bakorera hirya no hino mu bitaro byo mu gihugu, aho baganiriye na Perezida Kagame, bakamugezaho ibibazo bakunze guhura nabyo mu kazi bakora.

Perezida Kagame yibukije abaganga ko bagomba gutanga serivisi nziza bakakirana urugwiro abarwayi, bakaba ibisubizo by’ibibazo bihari mu rwego rw’ubuvuzi kandi ubushobozi buke buhari bugakoreshwa mu buryo butanga umusaruro.

Abaganga bagaragarije Umukuru w’Igihugu ko urwego rw’ubuzima mu Rwanda rumaze gutera intambwe ishimishije aho umubare w’abaganga wiyongereye.

Dr. Muyombo uzwi nka Tom Close asanzwe akuriye ishami ry’ikigo cy’igihugu cyo gutanga amaraso mu mujyi wa Kigali, niwe muhanzi wasusurukije abitabiriye iyi nama.

 

Tanga Igitekerezo ukoresheje Facebook

SHARE