Search

Trump yahaye umukinnyi wa Porn akayabo k’Amadolari ngo atamena ibanga ry’umubano wihariye bigeze kugirana

IBM Radio Listen Live

KANDA HANO UREBE VIDEO

Perezida wa Leta Zunze Ubumwe za Amerika, Donald Trump n’umunyamategeko we baravugwaho kuba barahaye akayabo ka Madolari umukinnyi wa Filime z’urukozasoni(Porn Star), Stephanie Clifford uzwi ku mazina ya Stormy Daniels kugira ngo uyu mugore atazamena ibanga ry’uko yaba yararyamanaga na Trump mbere yuko aba umukuru w’igihugu.

Trump arashinjwa kuba yarakoresheje umunyamategeko we akamwohereza kugirana ibiganiro n’uyu mugore ndetse akaba arinawe yahaye gahunda yo kuzajya amugezaho amadolari yamuciye kugira ngo ibanga rikomeze rigume munda.

Nkuko ibinyamakuru bikomeye bitandukanye byo muri USA byatangaje iyi nkuru, haravugwa ko mu mwaka wa 2006, Donald Trump yagiranye umubano w’ibanga n’uyu mugore witwa Stormy Daniels, akaba icyamamare mu mukino wa Porn, nyuma yuko ngo hari hashize umwaka umwe gusa aribwo ashakanye na Melanie Trump.

Umunyamategeko wa Trump,Michael Cohen yatangarije ikinyamakuru CNN ko ariwe koko wakoze gahunda yose nkuko bikomeje kuvugwa ajya kureba uyu mugore, ariko hagati aho amadolari yamuhaye niwe wayikuriye mu mufuka we bwite nyuma yuko nawe yari amaze kubonana nanone n’umunyamategeko w’uyu mugore.

Ubwumvikane buvugwa ko bwabaye hagati y’impande zombie ni uko uyu mugore ukina Filime z’urukoza soni yazajya yishyurwa Miliyoni Ijana na mirongo Itatu z’amadorari (130000$) buri kwezi kugira ngo atazagira icyo atangaza ku mubano wihariye yigeze kugirana na Trump.

Iki kinyamakuru gikomeza kivuga ko mu 2016 Stephanie Clifford yatangiye kuvugana n’ikinyamakuru ABC News ku bihe yagiranye na Trump ariko mbere y’uko amatora aba atarabivuga neza yahise yumvikana n’uruhande rwa Trump kujya bamuha $130,000 ku kwezi kugira ngo ayo madorari akomeze atsikamire iryo banga ntirimusohoke mu nda.

Uyu mugore ariko yari yarabwiye bimwe mu bindi binyamakuru nka New York Times ko hari ibihe by’ibanga yagiranye na Trump, gusa ntiyari yakabahaye amakuru arambuye.

Donald Trump yaba yaragiranye umubano wihariye n’uyu mukinnyi wa porn mbere yuko aba Perezida

Mu minsi yashize ariko uyu mugore yahakanye yivuye inyuma ko hari imibonano yaba yaragiranye na Donald Trump, ndetse anabishyira mu nyandiko. Ibinyamakuru bya US bikemeza ko yabihakanye kubera ako kayabo ibanga rimwinjiriza.

Stephanie Clifford ubusanzwe ni icyamamare mugukina filime z’urukozasoni,ndetse yanatwaye ibihembo bitandukanye muri uyu mwuga we harimo Penthouse Pet of the MonthAVN Award for Best Screenplay – Video akaba azwiho gukoresha amazina menshi atandukanye ubwo yamaraga kwinjira muri iki gikorwa Stormy Daniels, Stormy Waters na simply Stormy akaba ari umugore w’imyaka38 y’amavuko ndetse akaba ari n’umubyeyi ufite umwana umwe.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *