Search

Turacyayisaba Daniel niwe munyamahirwe wegukanye moto ya nyuma muri Airtel Tunga, hasigaye imodoka (Amafoto)

IBM Radio Listen Live

KANDA HANO UREBE VIDEO

Kuri uyu wa Kane tariki ya 7 Ukuboza 2017 nibwo Turacyayisaba Daniel utuye mu karere ka Ngoma, yashyikirijwe moto yatsindiye muri Poromosiyo ya Airtel Tunga ari nayo yari iyanyuma muri 12 zagombaga gutangwa muri iyi poromosiyo. Hakaba hasigaye igihembo nyamukuru cy’imodoka.

Munganyinka Liliane umukozi muri Airtel Rwanda ashyikiriza Daniel moto yatsindiye muri Airtel Tunga.

Turacyayisaba Daniel usanzwe ukora umwuga w’ubuhinzi n’ubworozi mu murenge wa Rukira wo mu Karere ka Ngoma, nyuma yo guhabwa moto yegukanye yabwiye itangazamakuru ko yatangiye gukina ubwo hatangwaga moto ya gatanu muri Airtel Tunga, yakinnye ku ya munani aratsindwa bigeze ku ya nyuma yiyemeza gukoresha uko ashoboye ngo ayegukane.

Yagize ati “Kuri iyi moto ya nyuma natangiye gukina ku wa Gatatu w’icyumweru gishize, nshyiramo imbaraga kuko numvaga nshaka kuyitwara. Nakoresheje 120,000 Frw ngira amanota miliyoni zirindwi. Ni ibyishimo, njyewe birarenze kubona washora amafaranga angana gutyo ukaba watsindira moto nk’iyi nshya. Ni ibintu binshimishije cyane kandi bigiye gutuma imibereho ihinduka.”

Avuga ko iyi moto yatsindiye agiye kuyifashisha ikamufasha mu mibereho ya buri munsi ariko avuga ko azakomeza umwuga we wo guhinga yo ikamufasha gukomeza kuzamura ibikorwa bye.

Munganyinka Liliane umukozi mu ishami ry’imenyekanishabikorwa muri Airtel Rwanda yavuze ko bishimiye uburyo abantu bitabiriye gahunda ya Airtel Tunga, ashishikariza abatarayitabira ndetse n’abayitabiriye gukina bakongera amanota yabafasha kwegukana imodoka isigaye.

Kugirango nawe ujye mu mubare wabashobora kwegukana iyi modoka, uhamagara kuri ‘155’ cyangwa ukandika ‘1’ ahandikirwa ubutumwa bugufi muri telephone yawe maze ukohereza kuri ‘155’, ubundi ugatangira gusubiza ibibazo ari nako ugwiza amanota.

Daniel yatsindiye moto ya 12 muri Airtel Tunga.

Lilliane umukozi muri Airtel aganira n’itangazamakuru.

Igihembo nyamukuru cy’imodoka yo mu bwoko bwa Toyota Avanza niyo isigaye yo gutsinda.

 

 

Ivan Heritier

Comments

comments




Leave a Reply

Your email address will not be published. Required fields are marked *