“Twibuke Twiyubaka” Umuvugo wa Rugamba Claude ku kwibuka Jenoside yakorewe Abatutsi 1994

Mu gihe u Rwanda n’isi muri rusange twibuka ku nshuro ya 26 Jenoside yakorewe Abatutsi, ubuhanzi ni bumwe mu buryo bufasha mu guhumuriza ababuze ababo ndetse n’Abanyarwanda muri rusange, aho umuhanzi,umwanditsi w’ibisigo Rugamba Claude we yakoresheje umuvugo ngo ahumurize abantu maze awita “Twibuke Tuniyubaka”

Ni umuvugo ukubiyemo amateka y’uko Jenoside yateguwe , uko yakozwe ndetse n’uko yahagaritswe n’urugendo rwo kwiyubaka k’Urwanda ruzira amoko rugendeye kw’isoko ya Ndumunyarwanda.

Uyu muhanzi uheruka gutsinda irushanwa rya ‘Hanga Higa’ mu mwaka wa 2019 muru uyu muvugo yise ‘Twibuke Twiyubaka’ yitsa birambuye kuri gahunda za Leta y’Urwanda ku kunga Abanyarwanda nyuma ya Jenoside yakorewe Abatutsi.

Anavuga ingamba zashyizweho mu gufasha abagizweho ingaruka na Jenoside ndetse anavugamo inzira y’Ubumwe n’Ubwiyunge hagati yabishe n’abiciwe , yitsa birambuye kw’iterambere ry’Urwanda binyuze ku maboko y’abana b’Urwanda.

“Leta y’ubumwe bw’Abanyarwanda yabonye uwishe n’uwiciwe inzira arimwe ar’ukubunga bati uwacitswe maze agacumura bati ntiyicwe cyangwa acibwe, ….., urukiko Gacaca ruba ruraje.”

By’umwihariko ku rubyiruko uyu muhanzi avuga ko muri uyu muvugo yaruhaye umukoro wo kwigira ku mateka rukagendera kure icyarutandukanya

“Ubutumwa nahereje urubyiruko ni ukwigira ku mateka ndetse no kwigana Intwali zakoze akazi katororoshye ko kubohora Urwanda ndetse no kwima amatwi ababashuka ahubwo bagasenyera umugozi umwe bakiyubaka bakubaka n’igihugu muri rusange”

Rugamba Claude,Umuhanzi,umuririmbyi,umwanditsi w’ibisigo

Akomeza agira ati : “Rubyiruko erega ni mumenye yuko imbaraga z’Igihugu aritwe ubwacu ababona urwaho ngo babatanye mubatesheranye hakibona ni mubaburizemo iyo migambi igamije kubaroha iyo mu manga , ingeso mbi zose tuzihe akato, munacyebure barya bakiboshywe “

“Abanyarwanda twigire ku mateka yibyabaye duhuze umugambi intumbero ibe imwe twubake Igihugu kizira umwiryane, kizira inzangano, inzika ahubwo twubake Igihugu gihuje imbaraga “

Ubutumwa ku Banyarwanda ku kwibuka ku nshuro ya 26 umuhanzi , umusizi Rugamba Claude yagize ati :

” Umuco wacu ntuducike, Nuwo ducumbikiye ntaducunge maze aducike ngo aducemo ibice,ibibazo byacu tujye tubicuma tunace bugufi tugane kumuce tunabicocere murucaca tunabishakire umuti urambye twiyubakire igihugu cyacu ntamacakubiri aturanga inzika, inzangano n’imishiha tubihe akato iwacu i Rwanda”

Twibuke Twiyubaka Umuvugo wa Rugamba Claude

Tanga Igitekerezo ukoresheje Facebook

SHARE