“Twin Lakes Tour” urugendo rw’ubucyerarugendo rwateguwe mu biyaga bya Burera na Ruhondo

Kuwa 08 Ukuboza 2019 mu ntara y’amajyaruguru y’Urwanda mu turere twa Musanze na Burera hateguwe urugendo rw’ubucyerarugendo rw’iswe “Twin Lakes Tour” Urugendo rwo gutemberezwa mu bwato mu biyaga bibarizwa muri utwo turere bizwi nka Burera na Ruhondo.

N’urugendo ruzahaguruka mu mujyi wa Musanze,umujyi w’ubucyerarugendo wahogoje Abanyarwanda n’Abanyamahanga basura U Rwanda cyane cyane Ingagi maze rwerekeze ku kiyaga cya Ruhondo bazenguruke iki kiyaga mu bwato nyuma yaho basure Urugomero rwa Ntaruka basobanurirwe byinshi kuri Ntaruka Hydro Power Plant ari nako hafatwa amafoto y’Urwibutso.

Nyuma ya Ruhondo hazaba hatahiwe  ikiyaga cya Burera aho Abazitabira uru rugendo bazazengurutswa ibirwa byo muri iki kiyaga aribyo: Batutsi Island Bushongo Island, Cyuza Island, Munanira Island, Bihosho Island. Nyuma yo gusura ibi birwa abitabiriye urugendo bazasubira mu mujyi wa Musanze ahazakomereza ibirori byo kwishimana na bamwe mu bahanzi bakorera mu muzika mu ntara y’Amajyaruguru.

Kwitabira “Twin Lake Tour” ni amafaranga ibihumbi 15000Frw ku muntu umwe(Single) n’ibihumbi 25000Frw ku bantu babiri (Couple) hakubiyemo amafaranga y’Urugendo(Transports),Kuzengurutswa mu bwato(Boat Tour) Snacks ndetse na Photo shoot

Iki n’igikorwa cyateguwe mu rwego rwo kurushaho guteza imbere Ubucyerarugendo ndetse no kurushaho kumenya no gusobanukirwa ubwiza bw’Urwanda .

 

Tanga Igitekerezo ukoresheje Facebook

SHARE