Search

U Rwanda rwegukanye imidari ine harimo n’uwa zahabu muri shampiyona ya Afrika yo gusiganwa ku magare (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri uyu wa Gatatu tariki ya 14 Gashyantare 2018 nibwo mu Rwanda hatangiye shampiyona ya Afrika yo gusiganwa ku magare. Amakipe ahagarariye u Rwanda muri aya marushanwa yatangiye neza yegukana imidari itatu harimo n’uwazahabu wegukanywe n’ikipe y’abangavu.

Ikipe y’abangavu bahagarariye u Rwanda begukanye umudari wa Zahabu.

Kuri uyu munsi wa mbere w’aya marushanwa hakinwaga igice cy’aho basiganwa n’ibihe nk’ikipe (Contre la montre par Equipes) mu byiciro bitandukanye birimo abangavu, ingimbi, abakobwa bakuru (women elite) n’abagabo (men elite).

Amakipe y’abakiri bato mu bahungu n’abakobwa niyo yahagurutse mbere, muri ibi byiciro u Rwanda rwitwaye neza kuko hose rwahabonye imidari harimo uwa zahabu wegukanywe n’ikipe y’abakobwa bakiri bato igizwe na MUSHIMIYIMANA Samantha, IRAKOZE NEZA Violette
NZAYISENGA Valantine.

Aba bakobwa b’u Rwanda bakoresheje iminota 36’06’’44 mu kunyonga ibilometero 18,6 begukana umudali wa zahabu naho batatu b’Abarundi bakoresha iminota 50’22’’60 begukana umudali wa silver.

Ikipe y’u Rwanda mu kiciro cy’abagore/abakobwa bakuru igizwe na INGABIRE Beatha, MANIZABAYO Magnifique, TUYISHIMIRE Jacqueline yaje ku mwanya wa gatatu yegukana umudari wa ‘Silver’.

Muri iki cyiciro bakaba basiganwaga mu ntera y’ibilometero 40, ikipe y’u Rwanda yabaye iya gatatu yakoresheje 01h09’42”92, ikaba yasizwe igihe kirenze iminota irindwi “07’04”32″ na Ethiopia yabaye iya mbere, ndetse na Eritrea yabaye iya kabiri.

Naho, ikipe y’abasore bakiri bato igizwe na NKURUNZIZA Yves, NZAFASHWANAYO Jean Claude, na GAHEMBA Barnabé yabaye iya kabiri yegukana umudari wa “Bronze”.

Aba basore bakiri bato basiganwaga mu bilometero 18.6, ikipe y’u Rwanda yabaye iya kabiri yakoresheje iminota irenga 26 (26’56”28), ikaba yasizwe amasegonda 49 gusa (49”16) na Eritrea yabaye iya mbere itwara umudari wa zahabu, Namibia iba iya gatatu.

Mu ngimbi Eritrea yatsinze u Rwanda Namibia iba iya gatatu.

Ikipe y’u Rwanda y’abasore bakuru n’abatarengeje imyaka 23 yari igizwe na NSENGIMANA Jean Bosco, ARERUYA Joseph, NIYONSHUTI Adrien, abakinnyi bakomeye mu Rwanda nayo yabaye iya kabiri yegukana umudari wa “Silver”.

Muri iki kiciro basiganwe mu bilometero 40, Eritrea iza ku mwanya wa mbere ikoresheje iminota 51 (51’28”28) yegukana umudari wa zahabu. U Rwanda rwayikurikiye yarurushije amasegonda 17 gusa (17”20), naho Algeria yabaye iya gatatu yasizwe n’iya mbere amazegonda 46 (46”87).

Kuri uyu wa 15 Gashyantare 2018, shampiyona izakomeza abakinnyi basiganwa n’igihe umuntu ku giti cye mu byiciro byose (Contre la montre Individuels) bizabera mu mihanda ya Kicukiro-Nyamata.

Ni ku nshuro ya kabiri iyi shampiyona ya Africa ibereye mu Rwanda kuko yaherukaga mu 2010, kuri iyi nshuro hakaba haritabiriye ibihugu 22 byo kuri uyu mugabane aribyo: Algerie, South Africa, Ethiopia, Nigeria, Swaziland, Seychelles, Eritrea, Namibia, Djibouti, Ile Maurice, Benin, Kenya, Burkina Faso, Ghana, Zambia Sudan, Uganda, DR Congo, Maroc, Egypt, n’u Burundi.

Uhereye ibumoso Valens Ndayisenga Jean Bosco Nsengimana Areruya Joseph na Adrien Niyonshuti mbere yo guhaguruka.

Abasiganwaga bahagurukiraga Nyanza ya Kicukiro bakagera i Nyamata bakagaruka.

Abasore ba Eritrea bayobowe na Eyob Metkel begukanye umudari wa zahabu.

U Burundi bwegukanye umudari wa mbere muri shampiyona ya Afrika mu kiciro cy’abangavu.

Umunya Namibia, Dan Claven umaze kwegukana shampiyona ya Afrika inshuro ebyiri nawe yitabiriye iyi mikino.

Abakobwa bo muri Eritrea bari bitezwe ko bashobora kwegukana umudari wa zahabu ariko ntibyabahira.

Debesay Mossana ukinira Eritre ari gusoza isiganwa yakoze impanuka.

Abaganga bagerageje kumwitaho ariko birangira bafashe icyemezo cyo kumujyana kwa muganga.

Mbere yuko bahaguruka team Rwanda y’abakobwa babanje guhabwa amabwiriza ya nyuma n’umutoza wabo.

Ikipe y’ingimbi z’u Rwanda mbere yuko bahaguruka.

 

 

Ivan Heritier

Comments

comments




Leave a Reply

Your email address will not be published. Required fields are marked *