Uburundi nicyo gihugu cyonyine muri East Africa gisigaye kitarakira impano z’inkingo zo kwirinda icyorezo cya Covid 19

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Tariki ya 24 Nyakanga 2021, Leta Zunze Ubumwe za Amerika (USA) zahaye Guverinoma ya Repubulika Yunze Ubumwe ya Tanzania doze 1,000,000 z’inkingo za Covid-19 mu rwego rwo kwifatanya mu rugamba rwo kurwanya iki cyorezo.

Iki gikorwa cyakiranywe ibyishimo n’ishami ry’umuryango mpuzamahanga wita ku buzima (WHO) muri Afurika, nk’uko bigaragara mu butumwa ryatambukije kuri Twitter. Ryagize riti: “Ku wa Gatandatu wari umunsi w’ibyishimo muri Tanzania ubwo yakiraga inkingo zirenga miliyoni za J&J…Ni ubwa mbere inkingo za Covid-19 zigeze muri iki gihugu.

Leta Zunze Ubumwe za Amerika (USA) zahaye Guverinoma ya Repubulika Yunze Ubumwe ya Tanzania doze 1,000,000 z’inkingo za Covid-19

Tanzania yakiriye inkingo za Covid-19 za mbere nyuma y’igihe kirekire yarihagazeho
Tanzania n’u Burundi ni byo bihugu byonyine mu bigize umuryango wa Afurika y’Iburasirazuba (EAC) bitari byagahawe inkingo z’iki cyorezo, cyane ko abayobozi babyo bumvikanaga bavuga ko bititeguye kuzakira.

Nyuma y’aho Tanzania yemeye kwakira izi nkingo, u Burundi bumaze kubonekamo abarwayi 6419 (nk’uko bigaragara muri raporo ya WHO, ishami rya Afurika yo kuri uyu wa 25 Nyakanga 2021) ntabwo buremera kwakira izi nkingo. Ibi bivuze ko ari cyo gihugu muri bitandatu bigize EAC kitarazibona.

Icyo u Burundi bubivugaho

Tariki ya 21 Kamena 2021 Perezida wa Repubulika y’u Burundi, Evariste Ndayishimiye yakiriye mu biro bye (Kwa Ntare Rushatsi) uhagarariye umuryango w’ubumwe bw’Uburayi (EU) mu gihugu cye, Ambasaderi Claude Bochu.

Bombi bagiranye ikiganiro kirebana n’umubano w’u Burundi na EU, ariko bigera aho Ambasaderi Bochu abaza Perezida Ndayishimiye niba igihugu cye cyiteguye kwakira inkingo za Covid-19.

Perezida Ndayishimiye yasubije Ambasaderi Bochu ko u Burundi buzakomeza gukoresha gusa uburyo bwo kwirinda iki cyorezo busanzwe bukoresha burimo amabwiriza yatanzwe n’inzego z’ubuzima nko kwimakaza isuku, guhana intera n’andi, kubera ko bwatanze umusaruro.

Uyu Mukuru w’Igihugu ntabwo yemeye ko u Burundi buzemera kwakira inkingo za Covid-19, gusa yanasobanuye ko butigeze burwanya gahunda yo gukingira, cyane ko hari hashize iminsi mike iki gihugu cyemereye abahagarariye ibihugu byabo n’imiryango mpuzamahanga bariyo kwikingiza.

Ikibazo cyerekeye inkingo kandi cyabajijwe Minisitiri w’mutekano w’Imbere w’u Burundi, Gervais Ndirakobuca tariki ya 14 Nyakanga 2021 ubwo yari yasuye agace ka Kobero, Komini ya Butihinda mu Ntara ya Muyinga. Na we yasubije ko igihugu cye kitigeze kirwanya gahunda yo gukingira abantu iki cyorezo.

Ndirakobuca mu kubisobanura, na we yatanze ingero za Ambasaderi bari mu Burundi batigeze bakumirwa ubwo bakingirwaga iki cyorezo. Yagize ati: “U Burundi ntiburwanya urukingo rwa Covid-19. N’ikibyemezo, ni uko Leta y’u Burundi imaze gutanga impushya zo gukingira abantu ku butaka bw’igihugu cyacu mu miryango mpuzamahanga amwe n’amwe, na misiyo z’ibindi bihugu zabidusabye.”

Raporo ya WHO yerekana ko u Burundi ari igihugu cya kabiri muri EAC gifite umubare muto w’abamaze kwandura Covid-19, ariko ku rundi ruhande ikigo cya USA gishinzwe gukumira no kurwanya indwara, CDC, cyo kigaragaza ko iki gihugu kiri mu cyiciro cy’ibyibasiwe n’iki cyorezo kurusha ibindi ku Isi, amakuru gishingiraho kibuza abaturage bacyo gukorerayo ingendo, keretse gusa bibaye ngombwa cyane, nabwo ari uko bakingiwe mu buryo bwuzuye.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO