Ubusobanuro bw’inzozi 17 abantu benshi bakunze kurota iyo basinziriye

Ubushakashatsi buvuga ko umuntu wese uryamye arota nubwo bamwe babyuka bakavuga ko batarose nyamara ngo baba barose ahubwo nuko baba babyibagiwe.

Inzozi turota ubushakashatsi kandi bwakomeje buvuga ko akenshi turota ibyo tuba twiriwe mo. Dore bumwe mu busobanuro bw’inzozi turota

1.Kurota wiruka wambaye ubusa

Ibi bisobanura ko hari ushaka kubagambanira mu nshuti zanyu. Mbese muba mumaze iminsi ntacyizere mufitiye ababazengurutse kandi akenshi ibi bikunze kubaho bityo muba musabwa kwirinda no gushishoza.

2.Kurota uvuza induru ijwi ntirigende.

Akenshi umuntu akunze kurota ari mu byago yatabaza ntihagire uwumva. Ugomba kureba niba mu minsi yashize ntaho wahuye n’ikibazo utari ufite ubushobozi bwo gukemura. Si no mu gihe cyashhize gusa ahubwo no bishobora no kuba byarabaye mu bwana bwawe.

3. Kurota wabonye amafaranga.

Kurota amafaranga bisobanura ko urota amafaranga aba hari byinshi afite mu mutima aba ashaka kuzashyira hanze byumwihariko ubukire. Izo nzozi kandi zigaragaza uko ateye ,ibyo akunda n’ubushake bwo kumenyekanisha ibyo afite kugira ngo amenywe.

4. Kurota urya.

Kurota urya bigira ibisobanuro bitandukanye bitewe n’ibyo waryaga. Iyo warose urya ibintu bikomeye nk’ibijumba n’imyumbati cyangwa bishariye nk’umuravumba uba ugiye guhura n’ibibazo bitazakorohera. Naho iyo warose urya cyangwa unywa ibintu biryoheye uba ugiye guhura n’ibintu byiza.

5.Kurota urimo kurwana n’umuntu ufite ubumuga bwo mu mutwe

Kubona uhanganye n’umuntu ufite ubumuga bwo mu mutwe, ukarota akwirukana cyangwa murimo kurwana, ngo bisobanuye ko uba ugiye guhura no kuvangirwa. Iyo urose murwana ukamurusha imbaraga, ngo haba hari ibintu bigoye ugiye guhura nabyo ariko ukabitsinda. Iyo agutsinze, ngo uba ugiye kuvangirwa iyo udafashe igihe cyo gusenga.

6. Kurota uhanuka.

Izi nzozi zikunda kuboneka kubantu bafite cyangwa benda guhura n’ibibazo bikomeye mukazi bakora cyangwa se mumibanire yabo n’abandi.

7. Kurota ukuka iryinyo/Amenyo

Amenyo ni ikimenyetso cy’icyizere n’imbaraga. Kurota ukuka amenyo rero bisobanuye ko watangiye kwitakariza ikizere ndetse ukaba urimo gutinya gukora ibintu bimwe nabimwe kuko ukekako utabifitiye ubushobozi.

8. Kurota wambaye ubusa muruhame.

Izi nzozi zerekana intege nkeya . Zikaba zikunda korotwa n’abantu bemeye cyangwa bifuza kuzamurwa muntera cyangwa kubona akazi gashya kazatuma babonwa na rubanda rwinshi.

9. Kurota ukora ibizamini

Izi nzozi zikunda kurotwa n’abantu bahora bifuza gukora neza akazi kabo, zikaba zibibutsa guhora biteguye no kutirara (alerte). Icyakora hari nabavugako izinzozi zigaragaza ko umuntu afite stress iterwa n’akazi.

10. Kurota upfa

Abahanga munzozi bavugako izi nzozi zidasobanura gusa gupfa bisanzwe ahubwo ko zerekana ko hari ibintu ugomba gushyiraho iherezo cyangwa guhindura nk’akazi, inshuti, akahise k’umuntu n’ibindi, ahubwo agatangira ibintu bishya.

11. Kurota uhura n’icyamamare

Izi nzozi zirotwa n’umuntu ufite inyota yokumenya nokuvumbura ibintu bishyashya, zikakumenyeshako ufite impano zimwe n’izicyamamare warose!

12. Kurota uhigwa/ Bakwirukankana

Nubwo wumva utewe ubwoba noguhigwa, nyamara abahanga bavugako izinzozi arinziza! Bazifata nkikimenyetso cyo kuguha akanyabugabo koguhangana n’ibibazo waba ugiye guhura nabyo. Izi zikaba zirotwa cyane n’abagore kurenza abagabo.

13. Kurota uca inyuma uwo mwashakanye.

Izinzozi ntizivuze gucana inyuma bisanzwe, ahubwo zikubwirako uwomwashakanye ashyize umutima cyane kubindi bintu bitari wowe. Gusa bakomeza bavugako kutizerana bishobora kongera izi nzozi mubakundana/mubabana

14. Kurota wakerewe kubyuka

Izi nzozi ni ikimenyetso cyuko wananiwe cyane cyangwase ibintu byakubanye byinshi mumutwe bikakurenga. Zikaba rero zitanga gasopo (warning) zo kudatanga amasezerano utazabasha kuzuza.

15. Kurota uguruka

Izi ni inzozi nziza zikumenyeshako urimo kugenda wibohora ibintu byajyaga bikugira imbata cyangwa watinyaga gukora.

16. Kurota watwaye inda/watwise

Izi nzozi zerekanako nyirazo afite ibibazo, cyangwa se afite ibitekerezo bishya n’imishinga mishya yifuza gushyira mubikorwa.

17. Kurota uta umuhanda (utwaye imodoka)

Izi ni inzozi ziguhwitura ko ibintu wafashe nk’akamenyero bishobora kuzaguteza ikibazo muminsi izaza mugihe utabihaye agaciro.

Tanga Igitekerezo ukoresheje Facebook

SHARE