Umugabo wahawe izina rya "London Patient" kuko abaganga banze gutangaza amazina ye ndetse n’aho aturuka ni umugabo wa abiri ukoreweho ubushakashatsi ku umuti uvura virus itera sida nyuma yaho uwa mbere yakoreweho ubu bushakashatsi mu gihigu cy’ubudage ndetse bikarangira hemejwe ko akize burundu virus ya Sida.

Nyuma y’imyaka 3 uyu mugabo ahawe uyu muti mu rwego rw’ubushakashatsi,ikinyamakuru cyandika inkuru z’ubuzima hariya mu gihugu cy’ubwongereza kivuga ko hashize amezi arenga 18 uyu mugabo apimwa virus itera sida nyamara ngo ikaba ikomeje kubura nkuko byemezwa n’abaganga bamupima, Prof. Ravindra Gupta uri mu bari gukurikirana uyu mugabo wakize SIDA yagize ati “Nta virusi imurimo, Ntayo tubona mu gihe tumaze tumusuzuma bushya ngo harebwe ko hari impinduka”

kugeza ubu inzobere kuri Virusi itera SIDA zemeza ko umugabo wo muri Leta zunze ubumwe za Amerika wahawe uyu muti, Timothy Brown nta virusi ya SIDA agifite, Sharon Lewin, inzobere kuri HIV wafatanyije n’ abavuye uyu murwayi w’ i Londres yabwiye Reuters ko uyu muti wavuye uyu murwayi w’ I Londres uhenze kuwukora kandi ko bigoye kuko bisaba kwifashisha amaraso afite CCR5 y’ abantu bo majyaruguru y’ u Burayi adapfa kwandura Virusi itera SIDA.

Yagize ati “Ntabwo twavuye HIV ariko biraduha icyizere ko umunsi umwe tuzayivura” Uyu murwayi w’ i Londres wakize SIDA yasabye abaganga bamuvuye kudashyira ahagaragara amazina ye,imyaka ye n’ igihugu cye.

Miliyoni 37 uyu munsi zibana na Virusi ya SIDA, imaze kwica abantu miliyoni 35 kuva yakwaduka mu myaka ya 1980.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)