Ubwo yizihizaga isabukuru y’imyaka 39 amaze avutse, Beyonce yiyemeje gutanga miliyoni y’amadorali kugirango agoboke abirabura bagizweho ingaruka na koronavirus

Ku munsi w’amavuko, Beyoncé, wizihizaga imyaka 39 amaze avutse, kuri uyu wa gatanu, tariki ya 4 Nzeri 2020, yatangaje ko azatanga miliyoni y’amadolari mu bucuruzi bw’abirabura bagizweho ingaruka n’icyorezo cya Koronavirus, abinyujije mu ishyirahamwe rye yise BeyGOOD.

Ku rubuga rwe, aho yatangiriye iyi mfashanyo nini kuri ba rwiyemezamirimo babirabura, uyu muhanzikazi yavuze ko yishimiye iki gikorwa cyakozwe mu rwego rw’ubufatanye bwe na NAACP (Ishyirahamwe ry’igihugu riharanira iterambere ry’abirabura), ishyirahamwe rirengera inyungu zabantu bafite ibara ryirabura.

Beyonce ni umwe mubahanzikazi bakunzwe ku isi

Ubufatanye hagati ya Beyoncé na NAACP bwatangiye muri Nyakanga umwaka ushize, hagamijwe “gushimangira ubucuruzi buciriritse no guha ingufu ubukungu bw’ubucuruzi bw’abirabura”, cyane cyane bwibasiwe n’icyorezo cya coronavirus.

Ku ikubitiro, ba rwiyemezamirimo 20 b’abirabura bahawe impano y’amadorari 10,000 buri umwe kugirango bateze imbere ubucuruzi bwabo.

Beyoncé yagize uruhare runini mu kurwanya ihohoterwa rikorerwa abirabura muri Amerika

Beyoncé yagiye avuga mu ruhame ku rupfu rwa George Floyd, anasaba ko ubutabera bwakorerwa Breonna Taylor nawe uheruka kwica na polisi yo muri Amerika.

Beyonce akunze kumvikana ashyigikiye abirabura muri Amerika

Mu gihe amatora y’umukuru w’igihugu yo mu Gushyingo yegereje, uyu muhanzikazi yahamagariye Abanyamerika gutora nkaho ubuzima bwabo bushyingiye kuribo bagahitamo umukandida ukwiye kandi uzaba agaciro.

Tanga Igitekerezo ukoresheje Facebook

SHARE