Search

UCL: Real Madrid yageze kumukino wa nyuma ku inshuro ya gatatu yikurikiranije isezereye Bayern Munich (Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umutoza Zinedine Zidane n’abasore be bakomeje kwandika amateka mu Isi ya ruhago aho kuri ubu bamaze gukatisha itike izaberekeza muri Ukraine mu mujyi wa Kiev ahazabera umukino wa nyuma wa UEFA Champions League iyi kipe yabashije kwegukana inshuro ebyiri ziheruka.

Ni nyuma yaho banganyirije mu rugo mu mukino wa kabiri wo kwishyura n’ikipe ya Bayern Munich ibitego 2-2, Real ikomeza ku giteranyo cy’ibitego 4-3 kuko umukino ubanza yari yatsindiye Bayern iwayo 2-1.

Uyu rutahizamu w’umufaransa yishimiye bikomeye iki gitego cyacecekesheje abibazaga impamvu Zidane yamubanje mu kibuga

Kimmich na Thomas Mullar bishimira iki gitego

Ikipe ya Bayern Munich ni yo yafunguye amazamu hakiri kare cyane ubwo ku munota wa 3 gusa Joshua Kimmich yahindukizaga Keylor Navas, gusa Benzema wari wagiriwe icyizere cyo kubanza mu kibuga yahise yereka isi ko umutoza yamuhisemo amwizeye maze ku munota wa 11 ahita agombora iki gitego ari nako igice cya mbere cyarangiye.

Nyuma y’amakosa y’umuzamu, Benzema yashyize ikipe ye mu mutekano bakiva mu karuhuko

Mu gice cya kabiri Real Madrid yaje ishaka gushimangira itike yayo ndetse Benzema aza kongera guhagurutsa abafana ku munota wa 46. Bayern yahise isabwa ibitego 2 kugira ngo ikomeze yagerageje kotsa igitutu izamu rya Madrid maze ku munota wa 63 birayikundira ubwo intizanyo ya yo muri Bayern Munich, James Rodriguez yishyuraga iki gitego.

Yanze kwishimira ko atsinze ikipe ye

Benzema agerageza guca mu bakinnyi bane ba Bayern Munich

Ni igitego cyashyize ku gitutu Real mu gihe cyahaye icyizere Bayern yasabwa ikindi igasezerera Madrid cyakoze nubwo bakomeje gusirisimba imbere y’izamu nta kindi gitego cyabonetse maze Real Madrid iba igeze ku mukino wa nyuma gutyo aho igomba kumenya ku mgoroba wo kuri uyu wa Gatatu ikipe bazahura hagati ya AS Roma na Liverpool inahabwa amahirwe menshi nyuma yo gutsinda 5-2 mu mukino ubanza.

Abakinnyi ba Real Madrid bishimira igitego cyabo cya 2

Abakinnyi ikipe zombi zifashishije

REAL MADRID: Navas, Lucas, Varane, Sergio Ramos, Marcelo, Asensio (Nacho), Kovacic (Casemiro 72), Modric, Kroos, Benzema (Bale 72), Ronaldo.

BAYERN MUNICH: Ulreich, Kimmich, Hummels, Sule, Alaba, Tolisso (Wagner 74), Thiago, Muller, Rodriguez (Javi Martinez 84), Ribery, Lewandowski.

 

Richard [email protected]

Comments

comments




Leave a Reply

Your email address will not be published. Required fields are marked *