“Udutabare” indirimbo nshya ya PIYO umunyamakuru ubifatanya n’ubuhanzi

Umunyamakuru wa RBA ishami rya Musanze uzwi ku izina rya Mbarushimana Piyo yashyize hanze indirimbo yo kuramya no guhimbaza Imana.Yeruye ko agarutse mu muziki nta kujenjeka.

Abinyujije mu ndirimbo yise “Udutabare” uyu muhanzi ubifatanya n’Itangazamakuru yakanguriye abatuye isi kwisunga Umwami Yesu no kutarangazwa n’iby’isi ashimangira ko hari Umuremyi utabera,umubyeyi utanga byose.

Muri iyi ndirimbo hari aho avuga ati:“…duhugiye mu busa, turangajwe n’iby’Isi. Nta mutima wo gukora duhumwe amaso n’umwijima…”

PIYO ufatanya ubuhanzi n’Itangazamakuru

Uyu muhanzi ukorera umwuga w’Itangazamakuru mu ntara y’Amajyaruguru, kuri Radio Musanze, nk’ishami rya Radio Rwanda, nubwo abaye mushya mu ndirimbo zo kuramya no guhimbaza Imana, si mushya mu bahanzi nyarwanda dore ko mu mwaka wa 2017 yakoze indirimbo yise ‘’UMUTONI’’ yakunzwe n’abatari bake.

PIYO yashimangiye ko yinjiye mu muziki wo kuramya no guhimbaza
Imana mu buryo bw’umwuga, aho yiyemeje kujya ageza ku bakunzi be nibura indirimbo zirenze imwe buri kwezi.

‘’ iyi niyo ndirimbo ya mbere nshyize hanze, ariko mu kwezi kumwe ndashyira ahagaragara iya kabiri. Umushinga wo kuyitunganya ugeze kure. Nifuza kurangiza uyu mwaka wa 2020 niburara nshyize hanze indirimbo zirenze eshanu kuko ni umuhigo maranye igihe kirekire.’’

PIYO asobanura ko yahisemo umuziki wo kuramya no guhimbaza Imana kuko
n’ubusanzwe akunda gusenga. Yagize ati:

’’ gusenga ni ubuzima. Niho nkesha byose,mbega ni umusingi w’ubuzima bwanjye kandi bwa benshi. Muri iyi minsi ikintu cya mbere dukeneye ni ukugarukira Imana, tukayiragiza imigambi yacu yose kandi tukibuka kuyihesha icyubahiro muri byose.’’

Umva hano indirimbo Udutabare ya PIYO

 

Tanga Igitekerezo ukoresheje Facebook

SHARE