Search

UEFA Champions League 1/8: Dore inshamake ku mikino yaraye ibaye Tottenham inganya na Juventus, Man City inyagira FC Basel

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu ijoro ryo kuri uyu wa Kabiri ni bwo hatangiye imikino ibanza ya 1/8 cy’irangiza mu irushanwa riruta ayandi ku mugabane w’u Burayi rya UEFA Champions League ahakinwe imikino 2 harimo uwahuje Juventus de Turin yari yakiriye Tottenham mu gihe FC Basel yari yakiriye Manchester city.

Tottenham ubwo yashyiragamo igitego cya mbere

Duhereye ku mukino wabereye mu Butaliyani aho ikipe ya Juventus de Turin yakiraga Tottenham yo mu Butaliyani, ni umukino watangiye neza ku ruhande rwa Juve aho ku munota wa 2 gusa rutahizamu wayo Gonzalo Huguain yari yamaze gufungura amazamu.

Iyi kipe yakomeje kotsa igitutu Tottenham maze ku munota wa 9 uyu rutahizamu atsinda igitego cya 2 kuri Penaliti.

Abasore bakinira Juventus nabo ubwo bashyiragamo igitego cya Kabiri cyanatumye banganya na Tottenham

Iminota yakurikiyeho Tottenham yahise ikanguka itangira gusatira bikomeye Juventus yakiniraga inyuma irinda ibitego byayo 2 yari yatsinze hakiri kare. Harry Kane wari wakomeje kugora cyane ab’inyuma ba Juve yaje kubiba umugono ku munota wa 35 agombora igitego cya mbere acenze umuzamu Buffon.

Iki gitego cyahaye imbaraga iyi kipe ikomeza gusatira izamu rya Buffon gusa yaje kwisanga ku munota wa 45 ikubiswe contre attaque maze Serge Aurier akorera ikosa kuri Douglas Costa mu rubuga rw’amahina, umusifuzi ntakuzuyaza ahita atanga penaliti ya 2 yongeye guterwa na Huguain ariko noneho arayihusha, igice cya mbere kirangira ari 2-1.

Image result for FC Basel vs Manchester city and Juventus vs Tottenham

Abasore bakinira ikipe ya Manchester City bishimira intsinzi

Mu gice cya kabiri amakipe yombi yafunguye umukino arasatirana, ariko amahirwe asekera Tottenham ubwo ku munota wa 71 yabonaga coup franc hafi y’urubuga rw’amahina ku ikosa ryari rikorewe Dele Alli, maze Eriksen ayitera neza iruhukira mu nshundura yishyuraigitego cya 2, ari nako umukino warangiye ari 2-2.

Abasore bakinira FC Basel nyuma yo gutsindwa na City

Ku rundi ruhande Manchester city yari yerekeje mu Busuwisi yahanyagiriye FC Basel ibitego 4-0. Ni ibitego byatsinzwe na Ilkay Guendogan ku munota wa 14, Bernardo Silva ku munota wa 18, Sergio Aguero ku munota wa 23 na Ilkay Guendogan ku munota wa 53. Ibi bikaba byahaye icyizere gikomeye iyi kipe iri mu bihe byiza mu Bwongereza.

Indi mikino ya 1/8 cy’irangiza irakomeza kuri uyu mugoroba aho Real Madrid yakira Paris Saint Germain mu mukino utegerejwe cyane, mu gihe FC Porto muri Portugal ibayakira Liverpool.

 

Richard [email protected]

Comments

comments




Leave a Reply

Your email address will not be published. Required fields are marked *