Search

UEFA Champions League: Amakipe 16 azakina 1/8 yamenyekanye,dore uko azatomborana

IBM Radio Listen Live

KANDA HANO UREBE VIDEO

Mu ijoro ryo kuri uyu wa Gatatu nibwo hakinwe imikino ya nyuma yo mu itsinda E kugeza kuri H, ahari hategerejwe andi makipe 8 yiyongera kuyakatishije itike ya 1/8 ku wa Kabiri yo mu itsinda A kugeza kuri D.

Muri iri joro nta gutungurana gukomeye kwabaye, uretse mu itsinda E aho ikipe ya Spartak Moscow yanyagiriwe i Anfield na Liverpool ibitego 7-0 ihita inabura itike mu gihe nyamara yasabwaga gutsinda gusa dore ko Seville basaga nk’abahanganiye umwanya wa 2 nayo yananiwe gutsinda Maribor aho banganyije 1-1.

Izindi kipe zitwaye nabi ni Napoli yatsinzwe na Feynoord 2-1 usibye ko n’ubundi gutsinda kwayo ntacyo byari kuba bimaze dore ko Shakhtar Donetsk bari bahanganiye umwanya wa 2 mu itsinda F yo yabashije guhangamura Manchester City iyitsinda 2-1.

Mu itsinda G, Beskitas yakomeje gushimangira umwanya wa mbere itsinda LB Leipzig mu rugo ibitego 2-1, mu gihe Monaco yongeye kwandagazwa na FC Porto yayitsinze 5-2.

Mu itsinda H, ikipe ya Real Madrid yatsinze Borussia Dortumund ibitego 3-2, mu gihe Tottenham yo yihanije Appoel Nicosia ibitego 3-0.

Ni ku nshuro ya mbere amakipe 5 ahagarariye u Bwongereza ageze muri 1/8 kirangiza, kikaba ari nacyo gihugu gifite. Nk’uko bisanzwe ikipe zazamutse ari iza mbere mu itsinda zitombora izabaye iza kabiri, mu gihe kandi amakipe yari mu itsinda rimwe cyangwa aturuka mu gihugu kimwe adashobora gutomborana.

Dore uko amakipe yasoje ahagaze kuva mu itsinda A kugeza kuri H

Tubibuse ko ikipe yasoje ari iya 3 ibona itike ya UEFA Europa League mu gihe iya 4 yo ihita isezererwa burundu mu marushanwa yo ku mugabane w’Uburayi.

Biteganijwe ko ku wa Mbere w’icyumweru gitaha ari bwo hazaba tombola y’uburyo amakipe azahura muri 1/8 mu gihe iyi mikino izasubukurwa hagati ya tariki ya 13 na 14 Gashyantare 2018.

 

Richard Uwizera@ibyamamare.com

 

Comments

comments




Leave a Reply

Your email address will not be published. Required fields are marked *