1. Niba ushaka kujya mu cyumba cyabo, komanga utegereze bakingure cyangwa bakubwire karibu.

Ibi bizatuma bakura bazi ko kwinjira mu cyumba cy’ undi muntu bikenera uruhushya rwe.

2. Uvuye ku kazi cyangwa urugendo basuhuze ndetse unabahobere. Bizabigisha urukundo.

3. Bana n’abaturanyi neza kandi ntukabavugeho ibibi abana bumva.
Bizabarinda kubana nabi nibakura.

Burya ijambo ryose uvuze umwana ahita arimira.

4. Niba ufite ababyeyi ukabasura jya ujyana n’abana kandi niba ubahamagaye kuri telephone jya uha n’abana babavugishe. Bizatuma barushaho kugukunda no kukwitaho nawe numara gusaza. .

N.B Nubajyana gusura sogokuru/nyogokuru wijyana ibyo mwashajishije(Imyenda,isafuriya,ibikombe nibindi...)
jyana ibyiza kugirango nawe nusaza abana bawe batazagufata nkuko ufata abakubyaye.

5. Niba ubatwaye mu modoka wigenda ucuranga imiziki inyuranye ahubwo genda ubaganiriza unabaha inama zizabafasha ahazaza. Iyo miziki n ikindi gihe bayumva.

6. Gerageza igihe ubonye akanya ubasomere igitabo kirimo inkuru zijyanye n imyaka yabo cyangwa se inkuru zubaka batoze gusoma na Bibiriya .
Bizabafasha gukura mu bwonko.

N.B : harigihe wowe byakunaniye gusoma bobazabikunda.

7. Ibuka kugira isuku atari uko ugiye gusa ahubwo no mu rugo wambare ibifuze, usokoze, woze amenyo, bizatuma bakura baziko isuku ari isoko y’ ubuzima.

8. Wibajambuza igihe cyose cyangwa ngo uhore ubereka ko bari mu makosa buri gihe.

Bizatuma bakura bifitiye icyizere nabo ntibahore bumva ko nta cyiza bakora.

9. Ntawe udakosa. Niba usanze hari aho wabarenganyije cyangwa wabakoshereje, ca bugufi ubasabe imbabazi.

Bizabigisha kubaha, guca bugufi no kwiyoroshya.

10. Wigaya cyangwa ngo useke ibyo bakoze niyo wabikora wikinira kuko birababaza.

11. Ubaha ibyo bagize ibanga nabo. Niba ari icyo yahishe, ukaba ukibonye kandi ubona nta kosa riri mu kugihisha, igendere ntubereke ko wabibonye. Buri wese akenera rimwe na rimwe kugira ibye bwite bitazwi n’undi.

12. Wikibeshya ko bashobora kumva ikintu ubabwiye bwa mbere. Kwigisha no gutanga inama bihoraho kandi bisaba kwihangana.

13. Buri gitondo abakuze jya ubabaza icyo bumva bapanga gukora umunsi wose. Bizabafasha gukura bagira gahunda.

14. Ntukave mu rugo utabasezeye ngo unabasabire umugisha Ku Imana cyane cyane iyo ugiye mu gitondo.
Bizabigisha urukundo no gusabana kandi bubahe Imana nawe bakubahe.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)