Umufana wa Rayon Sports yageneye ibyokurya umufana wa APR FC, Rujugiro na Rwarutabura bari bayeho nabi muri ibi bihe turimo

Umufana wa Rayon Sports, Mutsinzi Jean ubarizwa mu itsinda rya The Blue Winners muri iki gitondo yahaye inkunga y’ibiribwa umufana ukomeye wa APR Rujugiro na Rwarutabura wa Rayon Sports.

Ibi biribwa yatanze muri iki gitondo birimo Ibitoki, Kawunga, Umuceri, Ibishyimbo, Isukari, Ifu y’igikoma n’ibindi mu gufasha imiryango yabo mu bihe nk’ibi bikomereye abasanzwe barya ari uko bagiye gukora akazi ka bubyizi.

Rujugiro na Rwarutabura bashyikirijwe ibyo kurya bizabafasha muri ikigihe isi yugarijwe na Corona

MUNYANEZA Jacques wamenyekanye ku izina rya Rujugiro umufana wa APR FC wahawe ibi biribwa, yavuze ko ari ibintu byamutunguye bimwereka ko hanze y’ikibuga abafana baba ari abavandimwe.

Ati “Ni ibintu byantunguye kubona umufana wa Rayon Sports mucyeba wa APR FC akora iki gikorwa cy’urukundo, biradushimishije kuko ibi biribwa bigiye kudufasha muri iyi minsi ikomeye turimo n’imiryango yacu.”

Rujugiro avuga ko muri iyi minsi itoroshye kubera Coronavirus we n’umuryango bari mu rugo bakurikiza gahunda za Leta by’umwihariko gukaraba kenshi gashoboka ku munsi.

Muri iyi minsi isi yugarijwe n’iyorezo cya Corovirus cyahagaritse ibikorwa by’imikino mu Rwanda abasaga 75 bamaze kucyandura naho Umubare w’abanduye COVID-19 hirya no hino ku Isi umaze kugera ku bihumbi 800 mu gihe abishwe n’iki cyorezi bamaze kugera mu bihumbi 40.

Tanga Igitekerezo ukoresheje Facebook

SHARE