Umugabo wari ashaje cyane kurusha abandi ku isi, yapfuye asiga amennye ibanga ryatumye amara imyaka 112 ku isi

Bob Weighton umugabo wari ushaje kuruta abandi bose ku isi, yatabarutse ku myaka 112 y’amavuko azize indwara ya Cancer.

Bob Weighton yari atuye, Hampshire mu Bwongereza niwe wari ufite agahigo ko kuba umugabo ushaje kurusha abandi ku isi. 

Itangazo ry’umuryango wa Weighton rivuga ko kuwa kane mu gitondo “yapfuye mu mahoro asinziriye, azize cancer aho yari atuye. Uyu mugabo yavukiye ahitwa Hull tariki 29/03/1908.

Bob Weighton umugabo wari ushaje kuruta abandi bose ku isi, yatabarutse ku myaka 112 y’amavuko azize indwara ya Cancer.

Umuryango we uvuga ko yari afite inshuti nyinshi, nyinshi cyane. Ko yakundaga gusoma no kuganira politiki, tewolojiya, ibinyabuzima n’ibidukikije kugeza mu bihe bye bya nyuma.

Umuryango we ugira uti: “Twishimira ko kugeza ku gihe cye cya nyuma Bob yari umuntu usetsa, ugwa neza, ufite ubumenyi kandi uganira, ufite abuzukuru n’abuzukuruza. Tuzamukumbura cyane”.

Umukambwe Weighton yizihije isabukuru ye ya nyuma atari kumwe n’abantu kubera ingamba zo guhagarika ubuzima busanzwe (lockdown) zari ziriho kubera Covid-19.

Yanze kwakira ikarita yo kumwifuriza isabukuru nziza ivuye ku mwamikazi w’Ubwongereza, avuga ko adakeneye ibiva mu misoro ya rubanda, gusa mbere yari yarakiriye izigera ku 10 zivuye ku mwamikazi.

Bob Weighton yari atuye, Hampshire mu Bwongereza niwe wari ufite agahigo ko kuba umugabo ushaje kurusha abandi ku isi.

Mu buzima bwe, Weighton yabaye injeniyeri, yakoreye muri Taiwan, Japan na Canada.

Uyu mugabo yigeze kubwira BBC ati: “Ntekereza ko guseka ari ibintu by’ingenzi cyane, akaga kenshi kari ku isi gaterwa n’abantu bikomeza”.

Yavuze ko ibanga ryo kuramba ari ukwirinda gupfa.

Weighton asize abana babiri, abuzukuru 10 n’abuzukuruza 25.

Tanga Igitekerezo ukoresheje Facebook

SHARE