Umugore ukunzwe munjyana ya Rap, Card Bi yasabye urukiko kumutandukanya n’umugabo

Cardi B, umugore ukora injyana ya Rap muri Amerika kuwa kabiri yasabye urukiko kumutandukanya n’umugabo we Offset, nyuma y’imyaka itatu babana birimo gutana bakongera bagasubirana.
Cardi B, amazina ye nyayo ni Belcalis Marlenis Almánzar, w’imyaka 27, umaze kwamamara cyane kubera uko akora muzika ye, yatanze inyandiko zisaba gatanya mu rukiko rwo muri leta ya Georgia.
Cardi B yasabye gatanya n’umugabo we
Biteganyijwe ko iburanisha ry’ibanze rizaba tariki 04 z’ukwezi kwa 11 nk’uko bivugwa n’ibiro ntaramakuru Reuters.
We n’umugabo we bashyingiranywe mu 2017, bafitanye umwana w’umukobwa witwa Kulture wavutse mu 2018.
Gusa umubano wabo wajemo kidobya kubera ibivugwa byo gucana inyuma. Mu 2018, Cardi B yavuze ko batandukanye, ariko nyuma baje gusubirana.
Offset na Cardi Bi bafitanye umwana umwe
Gusaba gatanya bije mu gihe Cardi B ari ku gasongero mu kwamamara, aho indirimbo “WAP” yakoranye na Megan Thee Stallion imaze ibyumweru bitatu iri mbere kuri Billboard Hot 100.

Tanga Igitekerezo ukoresheje Facebook

SHARE