Umugore wabanaga n’umupolisi wishe umuntu byamubabaje cyane yaka gatanya

Urupfu rw’umugabo w’umwirabura, George Floyd wishwe n’umupolisi muri Amerika amunigishije ivi, rukomeje kubabaza benshi kuburyo n’umugore we babanaga yahise afata umwanzuro wo kwaka gatanya.

Ni urupfu rumaze kwangiza byinshi mu mujyi wa Minneapolis byabereyemo, uyu George Floyd wishwe n’umupolisi yababaje benshi cyane ndetse bituma abantu birara mu muhanda bahangana na police mu myigaragambyo ikomeye yatumye police ikuramo akayo karenge hakitabazwa igisirikare.

Derek Chauvin wagaragaye yashinze ivi ku gikanu cya nyakwigendera ari mu bibazo bikomeye nyuma yo kwirukanwa kukazi, ari gusabirwa kujyanwa muri gereza

umugore w’uyu mupolisi babanaga yahise afata umwanzuro wo kwaka gatanya.

Umugore wa  Derek Chauvin witwa Kellie Chauvin nawe ubu ari gusaba gatanya n’umugabo we ushinjwa ubwicanyi bw’ubunyamaswa.

Umugore we avuga ko yihanganishije umuryango wanyakwigendera cyane.
Avuga ko kandi yifatanyije n’inshuti ndetse nuwari wese wababajwe n’urupfu rwa George Floyd,

Uyu mugore yamaze no kwandika inzandiko zisaba gatanya

Bivugwa ko kugeza ubu nta mwana bafitanye nuyu mugabo ushinjwa kwica Floyd ndetse asaba ko abana be asanganywe ndetse n’umuryango bakwiye kurindirwa umutekano muribi bihe bikomeye.

Amategeko naramuka amwemereye gatanya ndetse nuyu mugabo akajyanwa mu nkiko, uyu mugore Kellie ashobora kuzatanga ubuhamya bushinja umugabo we murukiko.

Aya makuru yose yatangajwe amasaha macye nyuma yuko hasohotse amakuru avuga ko uyu mugabo Derek Chauvin yamaze gutabwa muri yombi ashinjwa ibyaha birimo ubwicanyi bwo mu rwego rwa gatatu ndetse no guhotora bigendeye kumashusho yafashwe y’urupfu rwa George Floyd.

Tanga Igitekerezo ukoresheje Facebook

SHARE