Umugore w’imyaka 73 yibarutse impanga z’abana b’abakobwa nyuma y’imyaka 57 yarabuze urubyaro

0
1029

Umugore wo mu Buhinde ufite imyaka 73 y’amavuko yibarutse impanga z’abana b’abakobwa nyuma y’imyaka 57 ashyingiwe ariko yarabuze urubyaro.

Erramatti Mangayamma usanzwe ukora umurimo w’ubuhinzi mu Ntara ya Andhra Pradesh yo mu Majyepfo y’u Buhinde bikekwa ko ariwe mugore wa mbere ubyaye akuze kurusha abandi.

Erramatti Mangayamma yibarutse impanga nyuma y’imyaka 57 atabyara

Uyu mubyeyi watwise hifashishijwe uburyo bwo kuguhuza intanga (In Vitro Fertilization) yabyaye abazwe ku wa Kane w’iki Cyumweru, nkuko byatangajwe na CNN.

Dr. Sanakayyala Umashankar wafashije uwo mubyeyi muri urwo rugendo rwo gutwita akaba ari nawe wamubyaje, yavuze ko umubyeyi n’abana bameze neza.

Ni ibyishimo bidasanzwe kuri uyu muryango

Mangayamma n’umugabo we E. Raja Rao ufite imyaka 80 y’amavuko bashakanye mu 1962 ariko ntibigeze bagira amahirwe yo kubona urubyaro binyuze mu gutwita mu buryo busanzwe.

Begereye Dr. Umashankar mu 2018 nawe abemerera kubafasha none birangiye babonye urubyaro.