Search

Umuhanzi akaba n’utunganya indirimbo, Singeras arahamyako azanye imbaraga zidasanzwe muri muzika ndetse arifuza gufasha abahanzi bafite impano.

IBM Radio Listen Live

KANDA HANO UREBE VIDEO

Umuhanzi akaba n’utunganya indirimbo, Singeras arahamyako azanye imbaraga zidasanzwe muri muzika, aho agiye kwagura ibikorwa bye ndetse akabasha no guteza imbere abahanzi bakizamuka bifitemo impano.

Singeras ni umuhanzi akaba n’utunganya indirimbo muri Studio yitwa “T-Time Pro” iherereye Kimironko aho bakunze kwita ku isangano.

DSC_0181Umuhanzi akaba n’utunganya indirimbo muri studio ya T-Time Pro, Singeras

Mukiganiro Singeras yagiranye n’ibyamamare.com, avugako yatangiye muzika muri 2009, ubwo yakoreraga muzika ye mu ntara y’Iburasirazuba muri studio yitwaga “True Friends Record”, iki gihe ngo yakoreraga muri iyi studio nk’umuhanzi.

Mu mwaka wa 2010, yaje kwiga ndetse anihugura mubijyanye no gutunganya indirimbo(Production) ari nabwo yahise atangira akazi muri Studio ya True Friends Records ari nayo yaje guhinduka T-Time Pro.

Singeras avugako kuva igihe yatangiriye muzika kugeza uyu munsi hari byinshi amaze kunguka, yaba mubijyanye no gutunganya indirimbo ndetse no muby’ubuhanzi bwe bw’indirimbo, akaba ari nayompamvu ashaka guteza imbere abahanzi bakizamuka abinyujije muri Studio arigukoreramo yitwa “T-Time Pro”

Mukiganiro n’ibyamamare.com yagize ati”Muzika nyimazemo igihe kinini cyane, maze kugira ubunararibonye yaba mugutunganya indirimbo, yaba mu kuririmba, ubu noneho ndashaka guteza imbere abana bifitemo impano, nkabafasha kubatunganyiriza indirimbo”

DSC_0189

Singeras avugako umuhanzi ufite impano uje amugana ntakiguzi gihambaye amuca yagize ati “abahanzi bafite impano bashaka gukora indirimbo turaborohereza cyane, mbese kubakorera n’ink’ubuntu, kandi tukabereka n’inzira bacamo kugirango ibihangano byabo bimenyekane.”

Singeras nk’umuhanzi nawe hari zimwe mu ndirimbo yagiye aririmba, afite indirimbo 3 harimo iyo yise “Takk Takk” inhdimbo yakoze ashimira abakunzi be ndetse n’ abakunda muzika nyarwanda, “Page” indirimbo yaririmbye yerekeye umukobwa uhemukira umuhungu, “Sinamugaya” indirimbo yaririmbiye ababyeyi bahemukira abana babo nyuma yo gushakana n’ undi mugabo cyangwa undi mugore, ndetse iyi ikaba ifite n’amashusho.

Kuri ubu umuhanzi, Singeras ari gushyira imbaraga cyane mu bikorwa bye byo gutunganya muzika nk’umunyamwuga, ari kubarizwa muri Studio ya T-Time Pro aho afatanya na mugenzi we witwa Timothe ubariza muri Norvege, Singeras akora indirimbo akazoherereza uyu Timothe akaba ariwe uzikoraho akazi kanyuma kugirango zisohoke zifite umwimerere uri kurwego mpuzamahanga.

DSC_0188

T- Time Pro ni studio itunganya amajwi ndetse n’amashusho, iherereye Kimirinko hafi yaho bita ku isangano, icyicaro cyayo gikuru kiri Norvege, nkuko twabitangarijwe n’ubuyobozi bw’iyi studio barakangura abantu bose kuyigana bakabafasha mugutunganya ibikorwa byabo bifite aho bihuriye na Muzika.

DSC_0184Muri Studio ya T-Time bafite ibikoresho bihagije kandi bigezweho mugutunganya muzika

DSC_0178

Dufotora amafoto y’ubukwe,  mu masabukuru, iminsi mikuru y’abarangije amashuri, abagiye mubutembere, n’abandi bose bifuza amafoto y’urwibutso, turi abahanga mugufotora no gufata amashusho : Duhamagare kuri 0783035616 cg 0727993756 KANDA HANO Dukurikire kuri facebook yacu.

NIYOMUKIZA Hassan

Comments

comments




Leave a Reply

Your email address will not be published. Required fields are marked *