Umuhanzi Alpha Rwirangira agiye kurongora Liliane Umuziranenge nyuma yo gutandukana na Miss Uwingabire Esther babyaranye

Umuhanzi Alpha Rwirangira utuye muri Leta zunze Ubumwe za Amerika, agiye kurongora Liliane Umuziranenge nyuma yo gutandukana na Miss Uwingabire Esther bakundanye igihe kirekire bakanabyarana ariko bakaza gutandukana muri 2014.

Umuhanzi nyarwanda Alpha Rwirangira agiye gukora ubukwe n’umukunzi we Umuziranenge Liliane bamaze igihe bakundana.

Umuhanzi Alpha Rwirangira utuye muri Leta zunze Ubumwe za Amerika

Nyuma y’uko Alpha Rwirangira muri 2015 atandukanye n’uwari umukunzi we, Uwingabire Esther wanabaye Nyampinga w’Intara y’Uburengerazuba 2013 bari banafitanye umwana, ntabwo uyu mugabo yakunze kumvikana mu nkuru z’urukundo.

Nk’uko bigaragara mu rupapuro rutumira(invitation), Alpha Rwirangira na Umuziranenge Liliane biteganyijwe ko ubukwe bwabo buzaba ku wa 22 Kanama 2020.

Biteganyijwe ko ubu bukwe buzabera muri Canada mu mujyi wa Montreal aho uyu musore asigaye yibera.

Alpha Rwirangira agiye kurongora Liliane Umuziranenge nyuma yo gutandukana na Miss Uwingabire Esther bakundanye igihe kirekire bakanabyarana ariko bakaza gutandukana muri 2014.

Muri 2017 ni bwo Alpha Rwirangira yahishuye ko nyuma ya Esther ari mu rukundo ariko yirinze gutangaza izina ry’umukunzi we, bivugwa ko we n’umukunzi we bamaze imyaka irenga 3 bakundana.

Alpha Rwirangira yagiye akundwa mu ndirimbo zitandukanye zirimo, Yamungu, Amashimwe, Yes, Anatenda n’izindi. Alpha akaba yaregukanye igihembo cya Tusker Project Fame cya 2009.

Miss Uwingabire Esther yakundanye  na Alpha igihe kirekire ndetse banafitanye n’umwana batandukanye muri 2014.

Tanga Igitekerezo ukoresheje Facebook

SHARE