Search

Umuhanzi Bobi Wine watorewe kuba Depite muri Uganda yigambye ukuntu yacikiye polisi muri ghetto bari bagose urugo rwe(Amafoto)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Robert Ssentamu Kyagulanyi wamenyekanye mu muzika nka ‘Bobi Wine’ uherutse gutorerwa kuba umudepite muri Uganda, yigambye gucika polisi yari yagose urugo rwe abuzwa kujya mu Nteko Ishinga Amategeko, yongera guhurira nabo mu muhanda nabwo abacikira kuri moto.

Bobi Wine wiyita the President of Ghetto, yacikiye polisi muri ghetto mu gihe bari bagose urugo rwe baziko arurimo.

Bobi Wine ukunze no kwiyita The Ghetto President, yari amaze iminsi yitandukanyije n’abandi bagize Inteko Ishinga Amategeko basabye ko ingingo y’imyaka umukuru w’Igihugu agomba kuba atarengeje ivugururwa, kugirango Perezida Yoweri Museveni yemerewa kongera kwiyamamaza ubwo manda ye izaba irangiye mu 2021.

Ibi ngo byatumye polisi igota urugo rw’uyu muhanzi mu gitondo cyo kuri uyu wa Kabiri kugirango atajya mu Nteko Ishinga Amategeko ahigirwaga umushinga ku ngingo iri mu Itegeko Nshinga igena imyaka ushaka kuyobora Uganda agomba kuba atarengeje.

Ikinyamakuru The New Vision cyo muri Uganda dukesha iyi nkuru kivugako ko uyu muhanzi yagiye kurara muri ghetto mu gace ka Kamwokya mu ijoro ryo ku wa Mbere, kuko ngo yari afite amakuru ko polisi iri bugote inzu ye iri ahitwa Magere muri Wakiso District, abyuka atega moto yamufashije guhunga kugira ngo agere ku ngoro y’Inteko Ishinga Amategeko.

Bobi Wine amaze kugera mu ngoro y’Inteko Ishinga Amategeko, yagize ati “Polisi yagose urugo rwanjye kugira ngo imbuze kujya mu bandi uyu munsi. Nabigiye amayeri. Ijoro narimaze ahandi muri ghetto. Ubwo najyaga ku ngoro, bahagaritse imodoka yanjye muri Kamwokya nsimbukira kuri moto, bagerageje kunkuraho abamotari barabarwanya. Ubu ndi mu ngoro y’Inteko Ishinga Amategeko.”

Uyu muhanzi wakurikiwe na polisi kuva aho yaraye kugera mu ngoro y’Inteko Ishinga Amategeko, ngo yinjiye yihuta adasatswe kubera igitutu yari yashyizweho n’abamwirukansaga. Polisi ntiyigeze itangaza impamvu yashatse kumuta muri yombi.

Polisi ya Uganda yaherukaga gufata Bobi Wine, mu mpera z’icyumweru gishize ubwo yari avuye mu Mujyi wa New York muri Leta Zunze Ubumwe za Amerika, aho yari yitabiriye inama ya Global Goal, Nyuma bazakumurekura.

REBA AMAFOTO Y’UKUNTU BOBI WINE YACITSE POILISI:

Mu gihe polisi yariziko uyu mugabo yaraye iwe, yari yagiye kurara muri ghetto iri mu gace ka Kamwokya mu mujyi wa Kampala.

Afata ifunguro rya mu gitondo mbere yuko ajya mu Nteko Ishinga Amategeko.

 

Bobi Wine mu gihe yaraziko yacitse polisi byarangiye, yongeye guhurira nabo mu muhanda ari mu modoka baramuhagarika, babanza gukozanyaho.

 

Bobi Wine yongeye gucika polisi ateze moto.

Yahise yambara agatambaro ku mutuku mu mutwe.

Nuko Bobi Wine yinjiye mu Nteko Ishinga Amategeko ameze.

Bobi Wine akigera mu Nteko yigambye ukuntu yacitse polisi.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.