Umuhanzi Finegold O’Tune yahaye ubutumwa bukakaye Mico,Uncle Austin na Danny Vumbi

Nsabimana Theotune n’umuhanzi Nyarwanda uzwi kw’izina rya FINEGOLD O’TUNE akorera umuzika mu karere ka RUBAVU n’umwe mu bahagaze neza mu njyana ya Afrobeat uri mu nzira yo guhigika abayirambyemo nka Mico The Best,Kitoko naba Eric Senderi.

Finegold O’Tune si mushya muri muzika Nyarwanda kuko amaze gukora indirimbo zirenga 5 harimo iyitwa “Umufasha wange” yabaye ikimenywabose mu ntara y’uburengerazuba ndetse n’iyo aheruka gukorana n’uwitwa DIDROS aho bagira bati “I”M LOADING” munyitege muri iyi njyana twihebeye !

Muri l’m loading haraho agira ati:

“Bafana ba muzika mukunda iki,cyangwa se mwanga iki?,mukunda nde cyangwa mwanga nde? ,ese mbabajije nge muzankunda ryari ?that’s my question? ”

Mu kiganiro na Ibyamamare.com yanze gutangaza byeruye intandaro yo gukora iyi ndirimbo gusa yagarutse ku kuba ataramenya impamvu nyamukuru ituma ibikorwa bye bidashashagirana

Urabona turakora,indirimbo zacu zijya hanze cyane ariko ugasanga ntizikinwa,yewe n’uyikinnye ayikina uri hafi aho nk’umufana yayisaba umunyamakuru ati iyo ndirimbo turayishaka nkibaza sasa rero aho bizaherera,iyi ndirimbo ikubiyemo umuhangayiko w’abahanzi bataramamara”

N’ubwo ataramamara yizera ko bizacamo

Uyu musore udahatiriza mu nganzo kubwe asanga igihe kigeze ngo Abahanzi batandukanye bahabwe umwanya ungana mw’itangazamakuru kugira ngo ubuhanga n’ubutumwa batanga bigere kure

“Igihe mbona kigeze ngo natwe duhabwe rugali,itangazamakuru ritwakire nk’uko ryahaye urubuga bakuru bacu badutanze mur’uyu muzika kuko ubutumwa bukubiye mu bihangano byacu bugomba kugera kure kandi Itangazamakuru rigomba kubidufashamo” Finegold

N’ubwo hari Abanayamakuru batarumva akamaro ko guha umwanya umuhanzi ukorera muzika mu ntara uyu muhanzi ntahwema gushimira bacye bafata umwanya bagaha umwanya Abahanzi bakorera umuziki hanze ya Kigali

“Si bose bumva ko mu ntara nta muziki uhari,hari bacye bafasha Abahanzi bakorera umuziki mu ntara abo turabashimira cyane ari naho duhera dusaba n’abandi kudufasha kugira ngo muri Muzika Nyarwanda hagaragare amaraso mashya kandi ushoboye ashyigikirwe”

Finegold O’Tune ibikorwa bifatika nibyo bizamugira icyamamare mu njyana ya Afrobeat

Ku bijyanye n’injyana ya Afrobeat akora atangaza ko abahanzi nka Mico The Best,Eric Senderi ndetse naba Kitoko bagomba kurya bari menge kuko ari mu nzira zo kubatwara ibihembo muri iyi njyana

“Urabona Afrobeat n’injyana ihagaze neza muri iyi minsi rero nk’umuhanga muri yo ndateguza ba Danny Vumbi,Mico,Uncle Austin na Kitoko n’abandi njya numva barwanira kuyobora iyi njyana barye bari menge vuba aha ibihembo byose nzajya mbikusanya ibikorwa bizivugira”

O’Tune mu gusoza ikiganiro na Ibyamamare.com yibukije abakunzi ba muzika ko mu minsi ya vuba afite indirimbo izasohokana n’amashusho yitwa “Bindekere” yakoranye na PACIFICA iri gutunganywirizwa amashusho akaba anasaba abakunzi ba Muzika Nyarwanda kumushyigikira muri uru rugendo.

Umva hano indirimbo Umufasha Wanjye by O’Tune FINEGOLD

Tanga Igitekerezo ukoresheje Facebook

SHARE